அபுதாபி: ஜிம்பாப்வே அணிக்கு எதிரான மூன்றாவது டி-20 போட்டியையும் வென்ற ஆப்கானிஸ்தான், தொடரை முழுமையாக வென்றது.
ஏற்கனவே நடைபெற்ற 2 போட்டிகளை வென்று தொடரையும் கைப்பற்றியிருந்த ஆப்கானிஸ்தான், மூன்றாவது போட்டியில் டாஸ் வென்று, பேட்டிங் செய்ய தீர்மானித்தது.
அந்த அணியின் நஜிபுல்லா ஸர்தான் 72 ரன்களை 35 பந்துகளில் அடித்தார். இவர் அளவிற்கு வேறு யாரும் அதிரடியாக ஆடவில்லை என்றாலும், அந்த அணி 20 ஓவர்களில் 7 விக்கெட்டுகளை இழந்து 183 ரன்களை சேர்த்தது.
பின்னர், சவாலான இலக்கை விரட்டிய ஜிம்பாப்வே அணியில், சிக்கந்தர் ரஸா மட்டுமே லேசாக அதிரடி காட்டி 41 ரன்களை அடித்தார். ரியான் பர்ல் 39 ரன்களை அடிக்க, 20 ஓவர்களில் 5 விக்கெட்டுகளை இழந்து 136 ரன்கள் மட்டுமே அடித்து 47 ரன்கள் வித்தியாசத்தில் தோற்று, ஒயிட்வாஷ் ஆனது ஜிம்பாப்வே அணி.