பிரபல கன்னட நடிகையான சம்யுக்தா ஹெக்டே, தமிழில் கோமாளி உள்ளிட்ட படங்களில் நடித்துள்ளார்.
நான்கைந்து மாதங்களுக்கு பிறகு பெங்களூரு நகரில் இப்போது தான் பொழுது போக்கு பூங்காக்கள் திறக்கப்பட்டுள்ளன.
இங்குள்ள அகரா லேக் பகுதியில் உள்ள பூங்காவுக்கு நடிகை சம்யுக்தா ஹெக்டே, தனது தோழிகளுடன் வந்துள்ளார்.
நடைபயிற்சி, உடற் பயிற்சி என அந்த பூங்காவில் நிறையபேர் திரண்டிருந்த நிலையில், அரைகுறை உடைக்கு மாறிய சம்யுக்தா உள்ளிட்ட பெண்கள் உடற்பயிற்சி என்ற பெயரில் ஆட்டம் போட்டுள்ளனர்.
இதனை பூங்காவுக்கு வந்த சில பெண்கள் தட்டி கேட்டுள்ளனர்.
சம்யுக்தா தோழிகளை ‘’ நீங்கள் என்ன காபரே ஆடும் கோஷ்டியா? பொது இடத்தில் ஆடையை அவிழ்த்து போட்டு விட்டு ஆடுகிறீர்கள் ’’ என ஒருவர் கேட்டு தாக்க முயற்சி செய்ததாக தனது இன்ஸ்டாகிராமில் ,புகார் தெரிவித்துள்ள சம்யுக்தா, பூங்காவில் நடந்த சம்பவங்களை வீடியோவாக வெளியிட்டுள்ளார்.
’’சம்பவம் குறித்து தகவல் அறிந்து அங்கு வந்த போலீசார் வேடிக்கை பார்த்தார்களே தவிர எங்களை அருவருப்பாக திட்டியவர்கள் மீது எந்த நடவடிக்கையும் எடுக்க வில்லை’’ என்றும் குற்றம் சாட்டியுள்ளார், நடிகை சம்யுக்தா.
அவர் வெளியிட்டுள்ள வீடியோ பதிவு, வைரலாக பரவி வருகிறது.
-பா.பாரதி.