நடிகை கீர்த்தி சுரேஷ் இன்று தனது பெற்றோர் மற்றும் உறவினர்களுடன் திருப்பதி வெங்கடாஜலபதி கோயிலில் சாமி தரிசனம் செய்தார்.
சாமி தரிசனம் முடிந்து வெளியே வந்த கீர்த்தி சுரேஷ் அங்கிருந்த செய்தியாளர்களிடம் அடுத்த மாதம் தனது திருமணம் நடைபெற உள்ளதை அடுத்து சாமி தரிசனம் செய்ய வந்ததாகத் தெரிவித்தார்.
ஆண்டனி தட்டில் என்பவரை கடந்த 15 ஆண்டுகளாக காதலித்து வருவதாக இரண்டு நாட்களுக்கு முன் தனது சமூக வலைத்தளத்தில் சுரேஷ் கீர்த்தி பதிவிட்டிருந்த நிலையில் விரைவில் அவரது திருமணம் நடைபெறும் என்று கூறப்பட்டது.
இந்த நிலையில் கோவா-வில் வரும் டிசம்பர் 11ம் தேதி நடைபெற உள்ள கீர்த்தி சுரேஷ் – ஆண்டனி தட்டில் ‘டெஸ்டினேஷன் வெட்டிங்’கிற்கு தேவையான அனைத்து ஏற்பாடுகளும் நடைபெற்று வருவதாகத் தெரிவிக்கப்பட்டுள்ளது.
கொச்சியை சேர்ந்த தொழிலதிபர் ஆண்டனி தட்டில் கேரளாவின் பல இடங்களில் ரெசார்ட்டுகள் நடத்தி வருவது குறிப்பிடத்தக்கது.
நடிகை கீர்த்தி சுரேஷ் திருமணம்… 15 ஆண்டுகளாக காதலித்து வரும் ஆண்டனியை கரம் பிடிக்கிறார்…