சென்னை: தமிழக வெற்றிக் கழகத்தின் 2-வது மாநில மாநாடு வருகிற ஆகஸ்ட் மாதம் 25ஆம் தேதி மதுரையில் நடைபெறும் என அக்கட்சியின் தலைவர் விஜய் அதிகாரப்பூர்வமாக அறிவித்துள்ளார்.
தமிழக வெற்றிக் கழகத்தின் முதல் மாநில மாநாடு 2024ம் ஆண்டு அக்டோபர் 27ந்தேதி அன்று விழுப்புரம் – விக்கிரவாண்டி அருகே உள்ள வி.சாலையில் பிரமாண்டமாக நடைபெற்றது. இதில் பல்வேறு அதிரடி அறிவிப்புகளை நடிகர் விஜய் வெளியிட்டார். அப்போது, 2026ல் கூட்டணி ஆட்சி என்றும் கொளுத்தி போட்டார். இது தமிழக அரசியல் அரங்கில் கொளுந்துவிட்டு எரிந்துகொண்டிருக்கிறது.
இந்த நிலையில், தமிழக வெற்றிக் கழகத்தின் 2-வது மாநில மாநாடு குறித்த அறிவிப்பை நடிகரும், தவெக தலைவருமான விஜய் வெளியிட்டுள்ளார்.
இதுதொடர்பாக அவர் வெளியிட்டிருக்கும் அறிக்கையில்,
என் நெஞ்சில் குடியிருக்கும் தமிழக மக்களுக்கும், கழகத் தோழர்களுக்கும் வணக்கம்
. தமிழக அரசியல் களத்தின் முதன்மை சக்தியான தமிழக வெற்றிக் கழகத்தின் இரண்டாவது மாநில மாநாடு, வருகிற ஆகஸ்ட் மாதம் 25ஆம் தேதி (25.08.2025) திங்கட்கிழமை அன்று மதுரையில் நடைபெற உள்ளது என்பதை அறிவிப்பதில் மகிழ்கிறேன்.
வாகை சூடும் வரலாறு திரும்பட்டும்.
வெற்றி நிச்சயம்.
நன்றி.
இவ்வாறு கூறி உள்ளார்.
