சென்னை
நடிகர் விஜய் சேதுபதி பாடப்புத்தகத்தில் நல்லகண்ணு வாழ்க்கை வரலாறு இடம் பெற வேண்டும் என கோரிக்கை விடுத்துள்ளார்.
நேற்று இந்திய கம்யூனிஸ்டு கட்சியின் மூத்த தலைவர் ஆர். நல்லக்கண்ணுவின் நூற்றாண்டு விழா சென்னை கலைவாணர் அரங்கில் கொண்டாடப்பட்டது. இதற்கான ஏற்பாடுகளை பழ நெடுமாறன் செய்திருந்தார். விழாவில் முதல்வர் மு.க ஸ்டாலின் பங்கேற்உ நல்லகண்ணு குறித்த ‘நூறு கவிஞர்கள் – நூறு கவிதைகள்’ என்ற கவிதை நூலை வெளியிட்டார்.
நேற்று சென்னை கலைவாணர் அரங்கில் நடைபெற்று வரும், இந்திய கம்யூனிஸ்ட் கட்சியின் மூத்த தலைவர் நல்லகண்ணு நூற்றாண்டு விழாவில் நடிகர் விஜய்சேதுபதி கலந்து கொண்டு விழா நிகழ்ச்சியில் சிறப்புரை ஆற்றினார்.
விஜய் சேதுபதி தனது உரையில்,
”விடுதலை போராட்ட வீரர் நல்லகண்ணுவின் வாழ்க்கை வரலாறு, பாடப்புத்தகத்தில் இடம்பெற வேண்டும். காலில் செருப்பு, தீபாவளி, பொங்கல் போனஸ், 8 மணி நேர வேலை, இதெல்லாம் நல்லகண்ணு போன்றவர்கள் ரத்தம்சிந்தி பெற்றுத் தந்தது. இது பற்றி தெரியாத பலரில் நானும் ஒருவன்; இதனால் பலனடைந்த பலர்களிலும் நானும் ஒருவன்”
என்று தெரிவித்துள்ளார்.