சென்னை: நகைச்சுவை நடிகர் மதன் பாப் (71) உடல்நலக் குறைவால் காலமானார்.
தமிழ்சினிமாவின் குணச்சித்திர நடிகர் மற்றும் காமெடி நடிகர் மட்டுமின்றி இசையமைப்பாளராகவும் இருந்து வந்தவர் மதன்பாப். இவர் சமீப காலமாக புற்றுநோயால் அவதிப்பட்டு வந்த நிலையில், இன்று சிகிச்சை பலனின்றி காலமானார்.
நடிகர் மதன்பாப் பாலு மகேந்திர இயக்கத்தில் வெளிவந்த நீங்கள் கேட்டை படத்தின் மூலம் அறிமுகமானவர். மதன் பாப், ஃபிரண்ட்ஸ், காவலன், மழை, தெனாலி, வசூல்ராஜா எம்பிபிஎஸ், வில்லன், யூத் உள்ளிட்ட படங்களில் நடித்து கவனத்தை ஈர்த்தவர். ஏ.ஆர்.ரகுமானின் குரு, தூர்தர்ஷன் டிவின் முதல் இசை கலைஞர் என பல்வேறு பெருமைகளுக்கு சொந்தக்காரர். இசையமைப்பாளர், காமெடி ஷோ நடுவர், குணச்சித்திர நடிகர் என பன்முகத் தன்மை கொண்டவர். இவர் கடைசியாக நடித்த படம் எமன் கட்டளை.
புற்று நோய் பாதிப்பு காரணமாக ஏற்கனவே அவர் சிகிச்சை பெற்று வந்த நிலையில் சிகிச்சை பலனின்றி இன்று மாலை 5 மணி அளவில் அவர் உயிரிழந்துள்ளார். அவரது உடல் சென்னை அடையாரில் உள்ள அவரது இல்லத்தில் குடும்பத்தினர் அஞ்சலிக்காக வைக்கப்பட்டுள்ளது. மதன் பாப் மறைந்த தகவல் அறிந்து திரைத்துறையினர் அதிர்ச்சி அடைந்தனர். மேலும், அவருக்கு இரங்கல் தெரிவித்து வருகின்றனர்.
