பெட்ரோல் பங்கிற்கு டீசல் நிரப்ப வந்த லாரி தீப்பிடித்ததால் பரபரப்பு ஏற்பட்டது. அங்கிருந்த பெட்ரோல் பங்க் ஊழியர் துரிதமாக செயல்பட்டதால் தீ அணைக்கப்பட்டது.
தெலுங்கானா மாநிலம் புவனகிரி நகரில் உள்ள யாதாத்ரி எனும் இடத்தில் நேற்று காலை டீசல் நிரப்புவதற்காக வந்த லாரி ஒன்று பெட்ரோல் பங்கிற்குள் நுழைந்ததும் தீப்பிடித்து எரிந்தது.
லாரியில் டீசல் டேங்கில் ஏற்பட்ட இந்த தீ மளமளவென பரவ தொடங்கிய நிலையில் இதனைப் பார்த்த பெட்ரோல் பங்க் ஊழியர் உடனடியாக சுதாரித்துக் கொண்டு அங்கிருந்த தீயணைக்கும் கருவியைக் கொண்டு வந்து தீயை அணைக்க முயற்சி செய்தார்.
தீ கட்டுக்குள் வராமல் தொடர்ந்து எரிந்ததை அடுத்து அங்கிருந்த மற்ற ஊழியர்களும் தீயணைக்கும் கருவியுடன் வந்து தீயை முற்றிலுமாக அணைத்தனர்.
https://x.com/BellamSwathi/status/1792393533124706390
இந்த சம்பவம் அங்கிருந்த சிசிடிவி கேமராவில் பதிவான நிலையில் இதுதொடர்பான வீடியோ வெளியாகி வைரலானது.
பெட்ரோல் பங்கில் ஏற்பட்ட தீயை அணைக்க ஒரு நொடியும் தாமதிக்காமல் துரிதமாகவும் சாதுரியமாகவும் செயல்பட்ட ஊழியரை மக்கள் வெகுவாக பாராட்டி வருகின்றனர்.