சென்னை: சென்னை ஜாபர்கான் பேட்டையில் செயல்பட்டு வந்த இருசக்கர வாகன ஷோரூமில் இன்று திடீர் தீ விபத்து ஏற்பட்டுள்ளது. இதில் ஏராளமான வாகனங்கள் தீயில் எரிந்து நாசமாகி உள்ளதாக தகவல் வெளியாகி உள்ளது.
சென்னை அசோக்பில்லரை அடுத்து காசி தியேட்டர் அருகே ஜாபர்கான்பேட்டை ஜவஹர்லால் நேரு சாலையில் உள்ள சுஸுகி இருசக்கர வாகன ஷோரூமில் இன்று காலை திடீரென தீப்பிடித்து எரிந்துள்ளது. வழக்கம்போல் காலை 8 மணிக்கு ஷோரூமை திறப்பதற்காக கடையின் ஊழியர்கள் வந்தபோது, கடைக்குள் புகைமூட்டம் காணப்பட்டத. இதைத்தொடர்ந்து உடனடியாக தீயணைப்பு துறைக்கு தகவல் கொடுத்தனர்.
விரைந்து வந்த அசோக் நகர் மற்றும் தியாகராய நகர் தீயணைப்பு வீரர்கள் 2 தீயணைப்பு வாகனங்களில் வந்து ஷோருமில் பரவி வந்த தீயை அணைத்தனர். இந்த தீ விபத்தில் ஷோரூமில் நிறுத்தி வைக்கப்பட்டிருந்த 11 11 புதிய வாகனங்கள் தீயில் எரிந்து நாசமாகின.
மின்கசிவு காரணமாக நள்ளிரவில் தீ விபத்து ஏற்பட்டு இருக்கலாம் என்று கூறப்படுகிறது. இந்த தீ விபத்து குறித்து குமரன் நகர் போலீசார் விசாரணை நடத்தி வருகின்றனர்.