பெங்களூரு டிரினிட்டி சர்க்கிளில் உள்ள டிஜிட்டல் விளம்பரப் பலகையில் போக்குவரத்து மீறல்கள் நிகழ்நேரத்தில் காட்டப்படுகின்றன.
கார்ஸ்24 இன் சாலைப் பாதுகாப்பு முயற்சியான க்ராஷ்ஃப்ரீ இந்தியாவுடன் இணைந்து பெங்களூரு போக்குவரத்து காவல்துறை, வாகனங்களின் போக்குவரத்து மீறல்களை நிகழ்நேரத்தில் காட்டும் டிஜிட்டல் விளம்பரப் பலகையை நிறுவியுள்ளது.
விளம்பரப் பலகையில் பொருத்தப்பட்டுள்ள APR கேமரா, போக்குவரத்து மீறல்களைக் கண்காணிக்க வாகன நம்பர் பிளேட்டுகளை ஸ்கேன் செய்கிறது.
அவற்றை AI மூலம், VAHAN தரவுத்தளத்திலிருந்து முந்தைய விதிமீறல்கள் குறித்த விவரங்களை சேகரிக்க பயன்படுத்துகிறது.
இதில், ஏற்கனவே விதிமீறலில் ஈடுபட்டு அபராதம் கட்டாமல் உள்ள சலான்கள் குறித்த விவரம் உள்ளிட்ட பல்வேறு விவரங்கள் திரையிடப்படுவதால் வாகன ஓட்டிகளுக்கு அவர்களின் விதிமீறல்கள் குறித்த விழிப்புணர்வை ஏற்படுத்துகிறது.
அதே நேரத்தில் எந்தவொரு விதிமீறலும் இல்லாத வாகனங்களுக்கு கட்டைவிரலை உயர்த்தி “குட் ஜாப், தொடர்ந்து செய்யுங்கள்” என்று திரையிடப்படுகிறது.
பெங்களூரு போக்குவரத்துக் காவல்துறையின் இந்த நடவடிக்கை கலவையான விமர்சனத்தைப் பெற்றுள்ளது.
