டில்லி
பிரதமர் மோடி மற்றும் உள்துறை அமைச்சர் அமித்ஷா ஆகியோரை பற்றி பிரபல ஊடகவியலர் ரஞ்சனா பானர்ஜி கடுமையாக விமர்சித்துள்ளர்.
பிரபல ஊடகவியலரான ரஞ்சனா பானர்ஜி தனது கருத்துக்களைத் தைரியமாக வெளியிடுவதால் வாசகர்களிடையே நல்ல புகழைப் பெற்றுள்ளார் அவர் எழுதும் செய்திக் கட்டுரைகளுக்கு எனப் பெரிய வாசகர் கூட்டம் உள்ளது. அவர் இன்று நேஷனல் ஹெரால்ட் ஆங்கில ஊடகத்தில் வெளியிட்டுள்ள செய்திக் கட்டுரையின் முக்கிய விவரங்கள் பின் வருமாறு:
“நான் வசித்து வரும் டேராடூன் நகரில் மீண்டும் வார இறுதி ஊரடங்கு அறிவிக்கப்பட்டுள்ளது. இது ஏனென்று யாருக்கும் தெரியாது.
கடந்த மார்ச் 2020 இல் அதிகாரப்பூர்வ ஊரடங்கு தொடங்கியபோது, கோவிட் -19 இல் இருந்து நம்மை பாதுகாப்பாக வைத்திருக்க ஊரடங்கு அமலாக்கப்பட்டுள்ளதாக இந்திய அரசு வாக்குறுதி அளித்தது. ஆனால் ஊரடங்கு முடிவடைந்தவுடன் தொற்று அளவு அதிகரித்ததால் அதை சமாளிக்க அரசாங்கம் மருத்துவ உள்கட்டமைப்பை மேம்படுத்தி உருவாக்கியது.
பிரதமர், தனது வாக்குறுதிகளை வாக்கு வங்கியுடன் இணைக்கும் நாடகத்தை ஒரு போதும் குறைக்கவில்லை. அவர் மகாபாரதத்தில் குருக்ஷேத்ரா போரைப் பற்றி ஒரு குறிப்பைக் கொடுத்தார், அத்துடன் கொரோனா வைரஸுக்கு எதிரான “போர்” கிட்டத்தட்ட சில நாட்களில் முடிவடையும் என்று உறுதியளித்தார்.
முதல் ஊரடங்கு நிச்சயமாக பாதிக்கப்பட்டவர்களின் எண்ணிக்கையை குறைத்து வைத்திருந்தது என அதிகாரப்பூர்வ எண்ணிக்கை தெரிவிக்கிறது. ஆனால் குருக்ஷேத்ரா போருக்கான காலக்கெடு கடந்து விட்டது. எனினும் கொரோனா பாதிப்பு குறைந்த பாடில்லை. மார்ச் மூன்றாம் வாரத்திற்கும் இப்போதுக்கும் இடையில், இந்தியாவில் கோவிட் -19 நோயால் பாதிக்கப்பட்டவர்களின் எண்ணிக்கை ஒரு மில்லியன் அதாவது 10 லட்சத்தை தாண்டியுள்ளது.
அமெரிக்கா மற்றும் பிரேசிலுக்கு அடுத்தபடியாக, மிகவும் பாதிக்கப்பட்ட நாடுகளின் பட்டியலில் நாம் இப்போது மூன்றாவது இடத்தில் உள்ளோம். துரதிர்ஷ்டவசமாக, மோடி அரசாங்கத்தின் இயலாமையால் கொரோனா பாதிப்பில் தான் இந்தியா உலகின் முதல் இடங்களில் இருக்கும் நிலை ஏற்பட்டுள்ளது.
இந்த உயரும் எண்ணிக்கைகள் மட்டுமின்றி, சாலையோரங்கள் மற்றும் குழிகளில் கைவிடப்பட்ட உடல்கள், குவிந்து கிடக்கும் உடல்கள் என்பது போன்ற திகில் கதைகள் வந்துள்ளன. இதையொட்டி வைரஸ் காரணமாக இறந்த “இணை நோய்கள்” உள்ளவர்கள் வைரஸ் அல்லாதவர்களாகக் காட்டப்படுகிறார்கள். நமக்குத் தெரிந்தவரைப் பல நேரங்களில், இந்த பதிவுகள் மிக எளிதாக மாற்றப்படுகிறது.
பிரதமர் மோடி விளம்பரம் மற்றும் தற்பெருமை மட்டுமே செய்வதில் ஆர்வமுள்ள அரசாங்கத்தை நடத்தும் போது என்ன நடக்கும் என்று கற்பனை செய்வது ஒன்றும் கடினம் அல்ல.
சமீபத்தில் வைரஸை எதிர்த்துப் போராடுவதற்கான இந்தியாவின் கடின முயற்சிகளை முழு உலகமும் பாராட்டுகிறது என்று மத்திய உள்துறை அமைச்சர் அமித்ஷா கூறியதைக் கவனிக்க வேண்டும். அவர் சொல்வதற்கு தெளிவான ஆதாரம் ஏதுமில்லை.
பிரதமர் இந்தியாவில் வைரஸை எதிர்த்துப் போராடுவது ஒரு “மக்கள் இயக்கம்” என்று அபத்தமான வாதத்தை கொண்டு வந்தார். இது அவருடைய கடமையில் இருந்து முழுமையான விலகல் அல்லது தீவிர மாயை போன்ற தனது நடத்தைக்கான ஒப்புதல் ஆகும். உலகளாவிய தொற்றுநோயை “மக்கள் இயக்கம்” என்று எந்த வகையான அரசாங்கம் வர்ணிக்கும்?
புலம் பெயர் தொழிலாளர் பசியுடன், பரிதாபகரமான, தடுமாறிய மக்கள் விரக்தியில் தங்கள் வீடுகளுக்குத் திரும்பிச் செல்லும் போது மத்திய அரசு அவர்களுக்கு உதவி செய்வதற்குப் பதிலாக, மையம் உச்சநீதிமன்றத்திற்குச் சென்று யாரும் வீட்டிற்கு நடந்து செல்லவில்லை என்று கூறியது.
பிரதமர் மோடி இந்தியாவின் “மீட்பு வீதம்” குறித்தும் பெருமை பேசினார். இந்த புள்ளி விவரங்களிடையே சிக்கல் உள்ளது, இது ஒரு மோசமான வைரஸ் என்பதால் இதை அதிக வலுவான சுகாதார பராமரிப்பு முறையால் கையாளப்பட வேண்டும். மருத்துவ சமூகம் மிக மோசமான பாதிப்புக்குள்ளாகி இருக்கிறது.
இதற்கிடையில் ஊரடங்குக்கு மேல் ஊரடங்கு அறிவிக்கப்பட்ததால் தோல்வியுற்ற பொருளாதாரம் மேலும் அழித்துவிட்டது, இந்த நீட்டிக்கப்பட்ட ஊரடங்கு வைரஸ் கட்டுப்பாட்டுக்கு உதவவில்லை. மாறாக ஊரடங்கு நீக்கப்பட்ட உடன், தொற்று எண்ணிக்கை வியக்கத்தக்க அளவில் உயர்ந்தன.
ஆகவே, பல்வேறு நகரங்களில் கட்டுப்பாட்டு மண்டலங்கள், சில மாநிலங்களில் மீண்டும் ஊரடங்கு, பல இடங்களில் இரவு ஊரடங்கு உத்தரவு ஏற்பாடுகள் மற்றும் டேராடூனில் வார இறுதி ஊரடங்குக்கு நாம் திரும்பி விட்டோம். இதனால் திறக்கப்பட்ட வணிக நிறுவனங்களும் அலுவலகங்களும் மீண்டும் மூடும் நிலைக்கு வந்துள்ளன.
கடந்த 12 வாரங்களில் இந்தியாவின் சோதனைத் திறனை அதிகரிக்க ஏற்பாடுகள் செய்யப்பட்டுள்ளதாக மத்திய சுகாதார அமைச்சர் ஹர்ஷ் வர்தன் தெரிவித்தார். இது மூன்று மாதங்களில், அதாவது நவம்பர் மாதத்தின் பிற்பகுதியில் அடைய வேண்டியதை இப்போதே அடைந்துள்ளதாக வர்தன் பெருமையாக தெரிவித்தார். ஆனால் இந்த வைரஸைக் கையாள்வதற்காக வாக்குறுதி அளிக்கப்பட்ட மருத்துவ உள்கட்டமைப்பு ஏற்படுத்தப்படவில்லை.
இத்தகைய பயங்கரமான பொறுப்பற்ற தன்மையை விட வைரஸ் மோசமாக இருக்க முடியாது. மொத்தத்தில் காலி பாத்திரங்கள் தான் அதிக ஓசை எழுப்பும் என அவர்களுக்கு யாராவது தெரிவியுங்கள்”
என தெரிவித்துள்ளார்.