வாஷிங்டன்:
அமெரிக்காவில் பொலிஸ் கைது நடவடிக்கையின் போது கொல்லப்பட்ட கருப்பினத்தவர் ஜார்ஜ் ஃபிளாய்டின் உடல் இரண்டு வாரங்களுக்கு பின்னர் நேற்று (09/10/2020) அடக்கம் செய்யப்பட்டது. ஆயிரக்கணக்கானோர் கலந்துகொண்ட இறுதி ஊர்வலத்தைத் தொடர்ந்து, அவரது உடல் தங்கத்தகட்டிலான பெட்டியில் வைத்து அடக்கம் செய்யப்பட்டது.
அமெரிக்காவில் பொலிஸ் கைது நடவடிக்கையின் போது கொல்லப்பட்ட கருப்பினத்தவர் ஜார்ஜ் ஃபிளாய்டின் உடல் இரண்டு வாரங்களுக்கு பின்னர் அவரது சொந்த நகரான ஹுஸ்டன் நகரில் நல்லடக்கம் செய்யப்பட்டுள்ளது. கொரோனா பரவல் தடுப்பு நடவடிக்கைகளிடையே அவரது உடல் ஊர்வலமாக எடுத்துச்செல்லப்பட்டு நல்லடக்கம் செய்யப்பட்டது.
முன்னதாக ஹூஸ்டனில் உள்ள Fountain of Praise என்ற சர்ச்சில், அவரது உறவினர்கள் மற்றும் நெருங்கிய சொந்தங்கள் மட்டும் கலந்துகொண்ட இறுதிச்சடங்கு நடைபெற்றது. அப்போது, பாதுகாப்பு உள்ளிட்ட காரணங்களால் பொதுமக்களுக்கு தேவாலயத்தினுள் அனுமதி மறுக்கப்பட்டாலும், ஆயிரக்கணக்கானோர் திரண்டு வந்து இறுதிச்சடங்கு நிகழ்வில் கலந்து கொண்டுள்ளனர்.
ஜார்ஜ் ஃபிளாய்டின் உடல் தங்கத்தகட்டில் செய்யப்பட் சவப்பெட்டியில் வைக்கப்பட்டு, ஒரு வெள்ளை குதிரை வண்டி வண்டியில் ஏற்றப்பட்ட அவரது இறுதி ஊர்வலம் நடைபெற்றது. இறுதி ஊர்வலம், ஹுஸ்டன் நகரில் உள்ள கல்லறை தோட்டத்தை நோக்கிச் சென்றது.
அணிவகுப்பு மற்றும் பேரணிகளுக்கு அப்பால், ஃப்ளாய்ட் ஒரு தந்தை, ஒரு சகோதரர், ஒரு மருமகன், ஒரு விளையாட்டு வீரர், ஒரு வழிகாட்டியாக, ஒரு நண்பராக இருந்தார், இப்போது மாற்றத்திற்கான ஊக்கியாக இருந்தார் என்பதை மக்கள் நினைவு கூர்ந்தனர்.
ஊர்வல வழியிலும், கல்லறை நுழைவாயிலுக்கு வெளியேயும் ஆயிரக்கணக்கானோர் கடும் வெயிலையும் பொருட்படுத்தாமல் கலந்துகொண்டனர்.
இறுதி ஊர்வலத்தின்போது, ஃபிலாய்டின் குடும்ப உறுப்பினர்கள், வெள்ளை நிற உடையணிந்திருந்தனர். சுமார் 4 மணி நேரம் நடைபெற்ற இறுதி ஊர்வலத்தில் பங்கேற்றனர். அப்போது, பிரபல கிராமி பரிசு வென்ற பாடகர் நே-யோ, “இட்ஸ் சோ ஹார்ட் டு சே குட்பை ‘ பாடலை பாடினார்.
இந்த இறுதி ஊர்வலத்தில் பிரபல நடிகர்கள் ஜேமி ஃபாக்ஸ் மற்றும் சானிங் டாடும், என்.எப்.எல் இன் ஹூஸ்டன் டெக்ஸான்ஸின் ஜே.ஜே.வாட், ராப்பர் ட்ரே தா ட்ரூத், பிரதிநிதி ஷீலா ஜாக்சன் லீ, ஹூஸ்டன் காவல்துறை தலைமை கலை அசெவெடோ மற்றும் ஹூஸ்டன் மேயர் சில்வெஸ்டர் டர்னர் ஆகியோரும் கலந்துகொண்டனர்.
இறுதியா கல்லறைத்தோட்டம் சென்றடைந்த ஜார்ஜ் ஃபிளாய்டின் உடல் அவரது தாயாரின் உடல் அடக்கம் செய்யப்பட்டுள்ள இடத்தின் அருகாமையிலேயே அடக்கம் செய்யப்பட்டுள்ளது. ஃபிளாயிடின் குடும்பத்தார் சுமார் 5,000 விருந்தினர்களை இந்த இறுதிச்சடங்கு நிகழ்விற்கு அழைத்திருந்தனர்.
ஆனால் மொத்த ஹூஸ்டன் நகர மக்களே திரண்டு வந்ததுபோன்ற கூட்டம் தேவாலயத்திலும் வெளியேயும் காணப்பட்டது.
ஜனநாயகக் கட்சியின் ஜனாதிபதி வேட்பாளர் ஜோ பிடன் அனுப்பியுள்ள வீடியோ செய்தியில், நீங்கள் இதுபோன்ற ஒரு நிலையை இனி உணர மாட்டீர்கள் என குறிப்பிட்டுள்ளார்.