புதுவை: புதுச்சேரி மாநில முதல்வராக ஐந்தாவது முறையாக என்.ரங்கசாமி புதன்கிழமை (மே 13) அனறு பதவி யேற்றார். அவருக்கு மாநில கவர்னர் பதவி பிரமாணம் செய்து வைத்தார்.
என்.ரங்கசாமி தலைமையிலான என்ஆர் காங்கிரஸ் கட்சி, பாஜக தலைமையிலான தேசிய ஜனநாயகக் கூட்டணியில் இணைந்து சட்டமன்ற தேர்தலை எதிர்கொண்டது. இந்த தேர்தலில் என்டிஏ கூட்டணி வெற்றி பெற்றதையடுத்து, என். ரங்கசாமி முதல்வராகவும் அவரது கட்சியைச் சேர்ந்த மல்லாடி கிருஷ்ணா ராவ், பாஜகவைச் சேர்ந்த நமச்சிவாயம் ஆகிய இருவரும் அமைச்சர்களாகவும் பதவியேற்றனர்.
மூவருக்கும் துணைநிலை ஆளுநர் கைலாஷ்நாதன் பதவிப் பிரமாணமும் ரகசிய காப்புப் பிரமாணமும் செய்து வைத்தார். பதவியேற்பு விழாவில் பாஜக தேசியத் தலைவர் நிதின் நபின், சந்தோஷ்ஜி, முக்கிய நிர்வாகிகள் பங்கேற்றனர்.
எளிமைக்குப் பெயர்பெற்ற முதல்வர் ரங்கசாமி, ஆளுநர் மாளிகையில் நடைபெற்ற விழா முடிந்து அங்கிருந்து சட்டமன்றம் வரை நடந்தே சென்றார். அங்கு காவல்துறையின் அணிவகுப்பு மரியாதையை ஏற்றுக்கொண்ட பின்னர், முதல்வராகத் தன் பணிகளைத் தொடங்கினார்.
பின்னர் செய்தியாளர்களை சந்தித்தபோது, அமைச்சரவை விரிவாக்கம் ஒருவாரத்தில் நடைபெறும் என்றும் கூறினார்.
[youtube-feed feed=1]