டெல்லி: மக்களவையில் தனக்கு அடிப்படை ஜனநாயக உரிமைகள் மறுக்கப்பட்டு உள்ளது. என்னைக் குரலடக்குவதற்கான திட்டமிட்ட முயற்சி என மக்களவை சபாநாயகர் ஓம்.பிர்லாவுக்கு எதிர்க்கட்சி தலைவர் ராகுல் காந்தி கடிதம் எழுதி உள்ளார்.
குடியரசுத் தலைவர் உரையில் பேசிய எதிர்க்கட்சி தலைவர் ராகுல்காந்தி, தேசியப் பாதுகாப்பு ஒரு முக்கியப் பகுதியாக இடம்பெற்றிருந்ததாகவும், எனவே அது நாடாளுமன்றத்தில் விவாதிக்கப்பட வேண்டும் என்றும் , அவையின் நடுநிலையான பாதுகாவலர் என்ற முறையில், எதிர்க்கட்சி உறுப்பினர்கள் உட்பட ஒவ்வொரு உறுப்பினரின் உரிமைகளையும் பாதுகாப்பது சபாநாயகரின் அரசியலமைப்பு மற்றும் நாடாளுமன்றப் பொறுப்பாகும் என்று கூறி, சபாநாயகருக்கு அவரது அரசியலமைப்புப் பாத்திரத்தை நினைவூட்டினார்.
முன்னதாக, மக்களவையில் எதிர்க்கட்சித் தலைவர் ராகுல் காந்தி குடியரசுத் தலைவரின் உரைக்கு நன்றி தெரிவிக்கும் மீதான விவாதத்தில், ஆளுங்கட்சி மற்றும் எதிா்க்கட்சி எம்.பி.க்கள் பங்கேற்று திங்கள்கிழமை(பிப். 2) உரையாற்றினா். இன்றும் அந்த விவாதம் தொடர்ந்தது. அப்போது மக்களவை எதிர்க்கட்சித் தலைவர் ராகுல் காந்திக்கு பேச அனுமதிக்கப்படவில்லை என்று குற்றச்சாட்டு சுமத்தப்பட்டுள்ளது.
இது தொடர்பாக, மக்களவைத் தலைவர் ஓம் பிர்லாவுக்கு ராகுல் காந்தி எழுதியுள்ள கடிதத்தில், குடியரசுத் தலைவர் உரை மீதான விவாதத்தின் போது தான் பேச அனுமதிக்கப்படவில்லை என்று காங்கிரஸ் தலைவர் கூறினார். திங்களன்று தான் பேசிக்கொண்டிருந்தபோது, 2020-ஆம் ஆண்டு இந்தியா-சீனா மோதல் குறித்துப் பேசும்போது தான் குறிப்பிடவிருந்த ஒரு பத்திரிகையைச் சரிபார்க்குமாறு சபாநாயகர் தன்னிடம் கூறியதாக காந்தி குறிப்பிட்டார்.
நீண்டகால மரபு மற்றும் கடந்தகால சபாநாயகர்களின் தொடர்ச்சியான தீர்ப்புகளின்படி, அவையில் ஒரு ஆவணத்தைக் குறிப்பிட விரும்பும் உறுப்பினர் அதைச் சரிபார்த்து, அதன் உள்ளடக்கங்களுக்குப் பொறுப்பேற்க வேண்டும் என்றும், அந்த நடைமுறையைத் தான் முறையாகப் பின்பற்றியதாகவும் அவர் கூறினார்.
“இன்று மக்களவையில் நான் பேசுவதைத் தடுத்தது இந்த மரபை மீறுவது மட்டுமல்லாமல், எதிர்க்கட்சித் தலைவர் என்ற எனது தகுதியில், தேசிய பாதுகாப்பு தொடர்பான விஷயங்களில் நான் பேசுவதைத் தடுப்பதற்கு ஒரு திட்டமிட்ட முயற்சி நடக்கிறது என்ற தீவிரமான கவலையையும் ஏற்படுத்துகிறது,” என்று செய்தி நிறுவனம் பிடிஐ அவரை மேற்கோள் காட்டித் தெரிவித்துள்ளது.
குடியரசுத் தலைவர் உரையின் ஒரு முக்கிய பகுதியாக தேசிய பாதுகாப்பு அமைந்தது என்றும், எனவே அது நாடாளுமன்றத்தில் விவாதிக்கப்பட வேண்டும் என்றும் காந்தி வலியுறுத்தினார். “குடியரசுத் தலைவர் உரையின் ஒரு முக்கிய பகுதியாக தேசிய பாதுகாப்பு இருந்தது, அது நாடாளுமன்றத்தில் விவாதிக்கப்பட வேண்டும் என்பதை மீண்டும் வலியுறுத்துவது அவசியம்,” என்று அவர் எழுதினார்.
சபையின் பாரபட்சமற்ற பாதுகாவலராக, எதிர்க்கட்சி உறுப்பினர்கள் உட்பட ஒவ்வொரு உறுப்பினரின் உரிமைகளையும் பாதுகாப்பது சபாநாயகரின் அரசியலமைப்பு மற்றும் நாடாளுமன்றப் பொறுப்பு என்று கூறி, சபாநாயகருக்கு அவரது அரசியலமைப்புப் பாத்திரத்தை அவர் நினைவூட்டினார்.
எதிர்க்கட்சித் தலைவர் மற்றும் ஒவ்வொரு உறுப்பினருக்கும் பேசுவதற்கான உரிமை நமது ஜனநாயகத்திற்கு ஒருங்கிணைந்தது என்றும் காந்தி மேலும் கூறினார்.
இந்தச் சூழ்நிலையை முன்னெப்போதும் இல்லாதது என்று குறிப்பிட்ட காங்கிரஸ் தலைவர், “இந்த அடிப்படை ஜனநாயக உரிமைகள் மறுக்கப்பட்டதால், முன்னெப்போதும் இல்லாத ஒரு சூழ்நிலை ஏற்பட்டுள்ளது.
‘மக்களவையில் பேசுவதற்கான எமது ஜனநாயக உரிமை நிராகரிக்கப்பட்டிருக்கிறது. மக்களவையின் ஒவ்வொரு உறுப்பினருக்குமான உரிமைகளைப் பாதுகாப்பது, மக்களவைத் தலைவரின் அரசமைப்பு மற்றும் நாடாளுமன்றக் கடமைகளுள் ஒன்று.
ஆனால், நாடாளுமன்ற வரலாற்றில் முதல்முறையாக, மக்களவைத் தலைவர் அரசுக்கு ஆதரவாகச் செயல்பட்டு குடியரசுத் தலைவரின் உரை மீதான விவாதத்தில் எதிர்க்கட்சித் தலைவரைப் பேசவிடாமல் செய்ய கட்டாயப்படுத்தப்பட்டிருக்கிறார்.
தேசப் பாதுகாப்பு மீதான விவகாரத்தில் என்னைப் பேசவிடமல் செய்ய திட்டமிட்டு முயற்சி நடந்துள்ளது, மக்களவையில் அடிப்படை ஜனநாயக உரிமைகள் நிராகரிப்படுகின்றன. இந்தச் செயல், ஜனநாயகத்தின் மீதான தாக்குதல். “இது நமது ஜனநாயகத்தின் மீது ஒரு கறை. இதற்கு எதிராக எனது கடுமையான எதிர்ப்பைப் பதிவு செய்கிறேன்,” என்று அவர் கூறினார்.
முன்னதாக, அன்று காலை, முன்னாள் ராணுவத் தளபதி எம்.எம். நரவணேயின் வெளியிடப்படாத நினைவுக் குறிப்புகளை மேற்கோள் காட்டிய ஒரு கட்டுரையின் நகலை காந்தி மக்களவையில் சரிபார்த்து சமர்ப்பித்தார். இருப்பினும், இது முட்டுக்கட்டையைத் தீர்க்கத் தவறியதால், அவைக் கூட்டம் சிறிது நேரத்திற்கு ஒத்திவைக்கப்பட்டது. ராகுல் காந்தி அந்தப் பிரச்சினையை எழுப்புவதில் உறுதியாக இருந்ததால், அவைத்தலைவர் கிருஷ்ணபிரசாத் தென்னெட்டி மற்ற உறுப்பினர்களைப் பேச அழைத்தார்.
எதிர்க்கட்சித் தலைவருக்கு ஆதரவாக மூன்று எதிர்க்கட்சி எம்.பி.க்கள் பேச மறுத்ததைத் தொடர்ந்து, என்.டி.ஏ கூட்டணியைச் சேர்ந்த தெலுங்கு தேசம் கட்சி எம்.பி. ஹரிஷ் பாலயோகியை குடியரசுத் தலைவர் உரை குறித்துப் பேசுமாறு அவர் அழைத்தார்.
