முதல்வர் தொடங்கி வைத்த சட்டமன்ற ஆவணங்கள்  இணைய தளம்

சென்னை

சட்டமன்ற ஆவணங்கள் கணினிமாயமாக்கல் புதிய இணையதளத்தை முதல்வர் மு க ஸ்டாலின் தொடங்கி வைத்துள்ளார்.

கடந்த 2021-ம் ஆண்டு சட்டமன்றப் பேரவையின் நூறாண்டு நிறைவினையொட்டி, தமிழக முதல்வர் மு.க.ஸ்டாலினின் அறிவுரையின்படி, தமிழக சட்டமன்றப் பேரவையில் நிதி மற்றும் மனித வள மேலாண்மைத் துறை அமைச்சரால் 13-8-2021 அன்று தமிழக அரசின் நிதிநிலை அறிக்கையில், 1921-ம் ஆண்டு முதல் நடைபெற்ற சட்டமன்றப் பேரவை மற்றும் சட்ட மேலவை நிகழ்வுகளின் பதிவுகள் கணினிமயமாக்கப்படும் என்று அறிவிக்கப்பட்டது.

சட்டமன்ற ஆவணங்கள் முறையே சட்டமன்றப் பேரவை மற்றும் சட்ட மேலவையின் நடவடிக்கை குறிப்புப் புத்தகங்கள், குழுக்களின் அறிக்கைகள், பேரவை முன் வைக்கப்பட்ட ஏடுகள், வெளியீடுகள், புகைப்படங்கள், செய்தித் துணுக்குகள், காணொலி துணுக்குகள் உள்ளிட்ட அனைத்தையும் நவீன முறையில் கணினிமயமாக்கம் (Digitization) செய்யும் பணியானது தமிழக மின் ஆளுமை முகமையின் மேற்பார்வையின்கீழ் தமிழக சட்டமன்றப் பேரவைச் செயலகத்தில் நடைபெற்று வருகிறது.

இதில் முதற்கட்டமாக, 1952-ம் ஆண்டு முதல் 2024-ம் ஆண்டு வரையிலான சட்டமன்ற ஆவணங்கள் கணினிமயமாக்கம் செய்யப்பட்டு, அதற்கென வடிவமைக்கப்பட்ட பிரத்யேக ‘tnlasdigital.tn.gov.in’ என்ற இணையதளத்தில் சட்டமன்ற உறுப்பினர்கள், பொது மக்கள், ஆராய்ச்சியாளர்கள் உள்ளிட்ட அனைத்துத் தரப்பினரும் பயனடையும் வகையில் பதிவேற்றம் செய்யப்பட்டிருக்கின்றது. இவ்விணையதளத்ட்ஜஒ தமிழக முதல்வர் இன்றையதினம் தொடங்கி வைத்தார்.