சமஸ்திபூர்
குரங்குகள் சண்டையால் பீகார் மாநிலம் சமஸ்திபூரில் ரயில் சேவை பாதிக்கப்பட்டது.
நாளுக்கு நாள் பிகார் மாநிலத்தில் உள்ள சமஸ்திபூர் ரயில் நிலையத்தில் குரங்குகளின் தொல்லை அதிகரித்து வருவதாக பயணிகள் குற்றம் சாட்டுகின்றனர். சிலர் குரங்குகளால் தாக்கப்பட்டு காயமடைந்ததாகவும் கூறப்படுகிறது. குரங்குகள் குறித்த புகார்கள் வரும்போது வனத்துறையினர் விரைந்து வந்து குரங்குகளை பிடித்து செல்கின்றனர்.
நேற்று இரண்டு குரங்குகளுக்கு இடையே நடந்த சண்டையால் ரயில் சேவை பாதிக்கப்பட்ட சம்பவம் நிகழ்ந்துள்ளது. பீகார் மாநிலம் சமஸ்திபூர் ரயில் நிலையத்தில் உள்ள 4-வது நடைமேடையில் 2 குரங்குகள் சண்டையிட்டுக் கொண்டிருந்தபோது ஒரு குரங்கு மீது மற்றொரு குரங்கு ரப்பர் போன்ற ஒரு பொருளை தூக்கி எறிந்து. அந்த பொருள் அங்குள்ள மின்சார வயரில் உரசி தீப்பிடித்தது.
அந்த வயர் அறுந்து அங்கு நின்றுகொண்டிருந்த ரயிலின் மீது விழந்தது. ரயில்வே ஊழியர்கள் அறுந்து விழுந்த மின்சார வயரை சரிசெய்யும் பணியில் ஈடுபட்டனர். இதனால் சமஸ்திபூர் ரெயில் நிலையத்தில் சுமார் 15 நிமிடங்களுக்கு மேல் ரெயில் சேவை பாதிக்கப்பட்டது. சமஸ்திபூரில் குரங்குகளின் சண்டையால் ரெயில் சேவை பாதிக்கப்பட்ட சம்பவம் \ பேசுபொருளாகியுள்ளது.