கந்த்வா: மத்தியப் பிரதேசம் மாநிலம் கந்த்வாவில் தியாகிகளின் நினைவாக நடைபெற்ற ஊர்வலத்தின் போது திடீர் தீ விபத்து ஏற்பட்டது. இதில் 30க்கும் மேற்பட்டோர் காயமடைந்துள்ள நிலையில், பலரது நிலை கவலைக்கிடமாக இருப்பதாக தகவல்கள் தெரிவிக்கின்றன.
மத்தியபிரதேச மாநிலம் கந்த்வா பகுதியில் மறைந்த தியாகிகளுக்கான ஊர்வலம் நடைபெற்றது. இந்த ஊர்வலத்தின்போது பலர் தீப்பங்களுடன் கலந்துகொண்டனர். ஊர்வலம் முடிந்ததும், தீப்பந்தங்களை ஓரிடத்தில் மொத்தமாக வைத்த போது திடீரென பயங்கரமாக தீப்பிழம்பு ஏற்பட்டது. இதனால் அப்பகுதி முழுவதும் மளமளவென தீப்பிடித்தது.
இந்த திடீர் தீ விபத்தில் பலர் சிக்கினர். கூடியிருந்தவர்கள் சிதறி ஓடியதால் பரபரப்பு ஏற்பட்டது. இந்த விபத்தில் 50க்கும் மேற்பட்டோர் காயமடைந்துள்ள நிலையில், 30 பேர் தீக்காயம் அடைந்துள்ளதாகவும், அவர்களில் சிலரின் நிலைமை கவலைக்கிடமாக இருப்பதாகவும் தகவல்கள் வெளியாகி உள்ளது.