பொங்கல் பண்டிகை அன்று நடக்க இருந்த சி.ஏ. தேர்வு தேதி மாற்றம் செய்யப்பட்டுள்ளது.
ஜனவரி மாதம் 14ஆம் தேதி நடைபெறவிருந்த சி.ஏ. தேர்வு 16ஆம் தேதிக்கு மாற்றியமைக்கப்பட்டுள்ளது.
தமிழ்நாட்டின் பாரம்பரிய பண்டிகையான பொங்கல் பண்டிகை தினத்தன்று சி.ஏ. தேர்வு நடைபெறும் என்று அறிவிக்கப்பட்டதற்கு அரசியல் கட்சியினர் உள்ளிட்ட பலரும் கடும் எதிர்ப்பு தெரிவித்திருந்தனர்.
இது தொடர்பாக நாடாளுமன்றத்திலும் கேள்வி எழுப்பப்பட்டது.
இதையடுத்து தமிழர்களின் பாரம்பரிய விழாவான பொங்கல் பண்டிகை அன்று அரசு விடுமுறை என்பதால் ஜனவரி மாதம் 14ஆம் தேதி நடைபெறவிருந்த சி.ஏ. தேர்வை 16ஆம் தேதி அன்று மாற்றியமைத்துள்ளதாக அறிவித்துள்ளது.