பெங்களூரு
கடந்த 15 ஆம் தேதி நடந்த கர்நாடக இடைத்தேர்தலில் பாஜக தோல்வி அடைந்ததால் அக்கட்சி தொண்டர் டிவியை உடைத்துள்ளார்.
கடந்த 13 ஆம் தேதி கர்நாடக சட்டசபையில் காலியாக உள்ள சென்னபட்டணா (ராமநகர் மாவட்டம்), சிக்காவி (ஹாவேரி மாவட்டம்), சண்டூர் (பல்லாரி மாவட்டம்) ஆகிய த தொகுதிகளுக்கு இடைத்தேர்தல் நடைபெற்றது. நேற்று இந்த தேர்தல் முடிவுகள் வெளியாகி 3 தொகுதிகளிலும் காங்கிரஸ் கட்சி வெற்றி பெற்றது. பாஜக கூட்டணி படுதோல்வி அடைந்தது.
இந்த தேர்தல் முடிவுகள் பாஜக தொண்டர்கள் இடையே சோகத்தை ஏற்படுத்தி உள்ளது. விஜயாப்புரா மாவட்டம் ஹொல்கார் பகுதியை சேர்ந்த பாஜக தொண்டரான வீரபத்ரப்பா. நேற்று டிவியில் தேர்தல் முடிவுகளை பார்த்து கொண்டிருந்தார்.
இந்த 3 தொகுதிகளிலும் பா.ஜனதா தோல்வியடைந்தது. இதனால் ஆத்திரம் அடைந்த வீரபத்ரப்பா, டிவியை வீட்டில் இருந்து வெளியே தூக்கி வந்து சாலையில் போட்டு உடைத்துள்ளார். அவரது இந்த வீடியோ சமூக வலைதளங்களில் வைரலாகி வருகிறது.