மலேசியாவின் மிகப்பெரிய தீவான பினாங்கிற்கு சென்னையில் இருந்து நேரடி விமான சேவை வரும் டிசம்பர் 21ம் தேதி முதல் துவங்க உள்ளது.
தமிழர்கள் அதிகம் வாழும் இந்த தீவில் உள்ள சர்வதேச விமான நிலையத்தில் இருந்து சிங்கப்பூர், சீயோல், துபாய், தாய்லாந்து, ஹாங்காங் ஆகிய நாடுகளுக்கு விமான சேவை உள்ளது.
ஆனால் இந்தியாவுக்கு இதுவரை நேரடி விமான சேவை இல்லாமல் இருந்தது இந்த நிலையில், சென்னையில் இருந்து பினாங்குக்கு நேரடி விமான சேவையைத் தொடங்குவதற்கு இந்திய விமான நிலைய ஆணையம் அனுமதி வழங்கி உள்ளது.
இதனை தொடர்ந்து சென்னை விமான நிலையத்தில் இருந்து பினாங்கு தீவுக்கு இண்டிகோ ஏா்லைன்ஸ் விமான நிறுவனம் நேரடி தினசரி விமான சேவையை டிசம்பர் 21 முதல் துவங்க உள்ளது.
சென்னையில் இருந்து தினமும் அதிகாலை 2:15 மணிக்கு புறப்படும் இந்த விமானம் 4:30 மணி நேர பயணத்தில் பினாங்கு சென்றடையும்.
அதேபோல் பினாங்கில் இந்திய நேரப்படி காலை 6 மணிக்கு புறப்படும் விமானம் காலை 10:30 மணிக்கு சென்னை வந்தடையும் என்று தெரிவிக்கப்பட்டுள்ளது.