ஆந்திர முதல்வரின் இளைய சகோதரர் மரணம்

ஐதராபாத்

ஆந்திர முதல்வர் சந்திரபாபு நாயுடுவின் இளைய சகோதரர் ராமமூர்த்தி நாயுடு காலமானார்.

சுமார் 72 வயதாகும் ஆந்திர முதல்வர் சந்திரபாபு நாயுடுவின் இளைனய சகோதரரும் முன்னாள் எம் எல் ஏ வுமான ராமமூர்த்தி நாயுடு  மாரடைப்பு காரணமாக மூன்று நாட்களுக்கு முன்பு ஐதராபாத்தில் உள்ள தனியார் மருத்துவமனையில் அனுமதிக்கப்பட்டு வென்டிலேட்டர் உதவியுடன் சிகிச்சை பெற்று வந்தார்.

சிகிச்சை பலனின்றி நேற்று  மதியம் அவர் உயிரிழந்தார். இன்று அவரது இறுதிச் சடங்குகள் இன்று நடைபெறும் என்று தெரிவிக்கப்பட்டுள்ளது. சந்திர பாபு நாயுடுவின் இளைய சகோதரர் ராமமூர்த்தி நாயுடுவின் மறைவிற்கு ஆந்திர பிரதேச மாநிலத்தில் உள்ள அரசியல் கட்சி தலைவர்கள் பலரும் இரங்கல் தெரிவித்துள்ளனர்.

மறைந்த ராமமூர்த்தி நாயுடு 1994 சட்டப்பேரவை தேர்தலில் சந்திரகிரி தொகுதியில் தெலுங்கு தேசம் கட்சி சார்பில் வெற்றி பெற்றார்.. தொடர்ந்து பல ஆண்டுகாலம் தெலுங்கு தேசம் கட்சிக்காக பணியாற்றி வந்த இவர் தெலுங்கு நடிகரும் தயாரிப்பாளருமான நர ரோஹித்தின் தந்தை ஆவார்.

ஆந்திர முதல்வர் சந்திரபாபு நாயுடு எக்ஸ் தளத்தில்,

”எனது சகோதரரும், சந்திரகிரி முன்னாள் எம்எல்ஏவுமான நர ராமமூர்த்தி நாயுடு நம்மை விட்டு பிரிந்துவிட்டார் என்பதை கனத்த இதயத்துடன் அனைவருக்கும் தெரிவித்துக் கொள்கிறேன்

எனப் பதிவிட்டுள்ளார்.