டில்லி
கடந்த 2018 ஆம் ஆண்டு பத்மபூஷன் விருது பெற்ற பிரபல பாடகி சாரதா சின்ஹா மரணமடைந்துள்ளார்.
போஜ்புரி மொழியின் பிர்பல பாடகி சாரதா சின்ஹா போஜ்புரி மட்டுமில்லாமல் மைதிலி, இந்தி உள்ளிட்ட மொழிகளில் பல பாடல்களை பாடி இருக்கிறார். இவர் தனது நாட்டுப்புறப் பாடல்களால் மக்களை பெரிதும் கவர்ந்தவர். ஆவார்
நம் நாட்டின் உயரிய விருதுகளில் ஒன்றான பத்ம பூஷண் விருது கடந்த 2018-ம் ஆண்டு சாரதா சின்ஹாவுக்கு வழங்கப்பட்டது. , கடந்த 2017ம் ஆண்டு இவருக்கு புற்றுநோய் இருப்பது கண்டறியப்பட்டதையடுத்து, அதற்கான சிகிச்சைகளை அவர் மேற்கொண்டு வந்தார்.
திடீரென அவருக்கு உடல்நலக்குறைவு ஏற்பட்டதால், டெல்லி எய்ம்ஸ் மருத்துவமனையில் சிகிச்சைக்காக அனுமதிக்கப்பட்டு அவருக்கு தீவிர சிகிச்சை அளிக்கப்பட்டு வந்த நிலையில், நேற்று இரவு சிகிச்சை பலனின்றி சாரதா சின்கா காலமானார்.
சாரதா சின்ஹா மறைவுக்கு அரசியல் தலைவர்கள், சினிமா பிரபலங்கள் என பலரும் இரங்கல் தெரிவித்து வருகின்றனர்.