சென்னை’
சென்னையில் இன்று காலை 10 மணிக்கு அதிமுக மாவட்ட செயலாளர்கள் கூட்டம் நடைபெற உள்ளது.
சென்னை ராயப்பேட்டையில் உள்ள அதிமுக தலைமை அலுவலகத்தில் அ.தி.மு.க. மாவட்ட செயலாளர்கள் கூட்டம் இன்று காலை 10 மணிக்கு நடைபெற இருக்கிறது.
இந்த கூட்டத்துக்கு பொதுச் செயலாளர் எடப்பாடி பழனிசாமி தலைமை தாங்குகிறார். மாவட்ட செயலாளர்கள் மற்றும் பிற மாநில செயலாளர்கள் கலந்து கொள்ளும் இந்த கூட்டத்தில், நடிகர் விஜய் புதிய அரசியல் கட்சி தொடங்கியது குறித்து விவாதிக்கப்பட உள்ளது.
இதனால் தேர்தலில் அ.தி.மு.க.வுக்கு பாதிப்பு வருமா? என்பது குறித்தும் ஆலோசிக்கப்படவும் மேலும், நடிகர் விஜய் கூட்டணிக்கு அழைப்பு விடுத்திருப்பது குறித்தும் நிர்வாகிகளிடம் கருத்து கேட்கப்படவும் உள்ளது.
தமிழக சட்டசபை தேர்தலுக்கு இன்னும் 1½ ஆண்டுகளே இருப்பதால், அதுவரை மக்கள் பிரச்சினைகளை வெளியே கொண்டுவந்து போராட்டங்களை நடத்துவது குறித்தும் விவாதிக்கப்பட உள்ளது.