ராஜபாளையம்
ராஜபாளையம் அருகே ஏற்பட்ட தீடீர் வெள்ளப்பெருக்கில் சிக்கிய மக்களை தீயணைப்புத் துறையினர் மீட்டுள்ளனர்.
ராஜபாளையம் அருகே அமைந்துள்ள சாஸ்தா கோவில் அணைக்கு செல்லும் ஆற்றில், ராஜபாளையத்தைச் சேர்ந்தவர்கள் சிலர் குளித்துக் கொண்டிருந்தபோது ஆற்றில் திடீரென வெள்ளப்பெருக்கு ஏற்பட்டது.
ஆற்றில் குளித்துக் கொண்டிருந்தோர் உடனடியாக கரையேறிய நிலையில், 2 நபர்கள் மறுகரையில் சிக்கிக்கொண்டனர். வெள்ளப்பெருக்கு அதிகரித்துக் கொண்டே சென்றதால், அப்பகுதியைச் சேர்ந்தவர்கள் தீயணைப்புத்துறைக்கு தகவல் கொடுத்தனர்.
அங்கு விரைந்து வந்த தீயணைப்பு வீரர்கள், சீறிப்பாய்ந்து கொண்டிருந்த ஆற்றின் குறுக்கே கயிறு கட்டி மறுகரைக்கு சென்று, அங்கு சிக்கியிருந்த 2 நபர்களை பத்திரமாக மீட்டு அழைத்து வந்துள்ளனர்.