சென்னை: தமிழகத்தில் நவம்பர் 10 வரை கனமழை வாய்ப்புள்ளதாகவும், இன்று தென்மாவட்டங்கள் உள்பட 10 மாவட்டங்களில் கனமழை பெய்ய வாய்ப்பு உள்ளதாகவும் சென்னை வானிலை ஆய்வு மையம் தெரிவித்துள்ளது.
இதுதொடர்பாக வானிலை ஆய்வு மையம் வெளியிட்டுள்ள அறிக்கையில், தென்தமிழகம் அதனை ஒட்டிய பகுதிகளில் ஒரு வளிமண்டல கீழடுக்கு சுழற்சி நிலவுகிறது. இதன் காரணமாக, தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும்.
இன்று (நவ. 4) கன்னியாகுமரி, நெல்லை, தூத்துக்குடி, தென்காசி, விருநகர், உள்பட 10 மாவட்டங்களில் இன்று கனமழை பெய்ய உள்ளது. இன்று முதல் தொடர்ந்து நவம்பர் 7 வரை தமிழகத்தின் பல பகுதிகளில் இடி, மின்னலுடன் கனமழை பெய்யக்கூடும்.
சென்னையை பொருத்தவரை.. அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் பகுதிகளில் லேசான மழை பெய்ய வாய்ப்புள்ளது. அதிகபட்ச வெப்பநிலை 31-32 டிகிரி செல்சியஸை ஒட்டி இருக்கக்கூடும். குறைந்தபட்ச வெப்பநிலை 25-26 செல்சியஸை ஒட்டியும் இருக்கும்.
இவ்வாறு கூறப்பட்டுள்ளது.
