சென்னை
சூர்யா நடிக்கும் கங்குவா திரைப்படத்தின் சிறப்பு காட்சிக்கு படக்குழு அரசிடம் அனுமதி கோரி உள்ளது.
தற்போது தமிழ் சினிமாவின் முன்னணி நடிகர் சூர்யா ‘கங்குவா’ படத்தில் நடித்து முடித்துள்ளார். இந்தப் படம் இயக்குனர் சிவா இயக்கத்தில் ஸ்டுடியோ கிரின் நிறுவனம் சார்பில் ஞானவேல் ராஜா மிகவும் பிரம்மாண்டமாக உருவாக்கியுள்ளார். படம் வரலாற்று கதைக்களத்தில் உருவாகி உள்ளது.
இந்த படத்தில் சூர்யாவிற்கு ஜோடியாக நடிகை திஷா பதானி நடித்துள்ளார். பாபி தியோல், யோகி பாபு, ரெடின் கிங்ஸ்லி உள்ளிட்ட பலரும் முக்கிய கதாபாத்திரத்தில் நடித்துள்ள இந்த படத்துக்கு தேவி ஸ்ரீ பிரசாத் இசையமைத்துள்ளார்.
வரும் 14-ம் தேதி உலகம் முழுவதும் வெளியாக உள்ள இப்படத்தின் சிறப்பு காட்சி குறித்த அறிவிப்பை படக்குழு வெளியிட்டுள்ளது.
‘கங்குவா’ பட ரிலீஸ் நாளில் ஆந்திரா, தெலுங்கானா, கேரளா மற்றும் கர்நாடகா ஆகிய மாநிலங்களில் அதிகாலை 4 மணிக்கு சிறப்புக் காட்சி திரையிடப்பட உள்ளதாகவும், தமிழகத்திலும் அதிகாலை காட்சிக்கு அனுமதி கேட்டு அரசுக்கு மனு அளித்துள்ளதாகவும் தெரிவிக்கபட்டுள்ளது.