சென்னை
தீபாவளியை முன்னிட்டு இன்று பள்ளி மற்றும் கல்லூரிகளுக்கு அரை நாள் விடுமுறை அறிவிக்கப்பட்டுள்ளது.
நாளை தீபாவளி பண்டிகை கொண்டாடப்பட இருக்கிறது. இந்த ஆண்டு தீபாவளி பண்டிகை வியாழக்கிழமை வந்ததால், தொடர் விடுமுறைக்காக வெள்ளிக்கிழமையும் விடுமுறை அறிவிக்கப்பட்டது.
இதனால் பள்ளி, கல்லூரி மாணவ-மாணவிகளுக்கு தீபாவளி பண்டிகைக்காக 4 நாட்கள் விடுமுறை அளிக்கப்பட்டது. தற்போது தீபாவளி பண்டிகைக்கு முந்தைய நாளான இன்று பிற்பகல் பள்ளி, கல்லூரி மாணவ-மாணவிகளுக்கு விடுமுறையை தமிழக அரசு அறிவித்துள்ளது.
தமிழக அரசு வெளியிடப்பட்டுள்ள செய்திக்குறிப்பில்
“தமிழகத்தில் தீபாவளி பண்டிகையை முன்னிட்டு பள்ளிகள், கல்லூரிகள் மற்றும் கல்வி நிறுவனங்கள் 30-ந்தேதி (இன்று) முற்பகல் மட்டும் செயல்படும். பிற்பகல் விடுமுறை விடப்படுகிறது”
என்று தெரிவிக்கப்பட்டுள்ளது.