கொல்கத்தாவில் இந்தியா மேற்கிந்திய அணிகளுக்கிடையே இன்று மூன்றாம் டி 20 போட்டி

கொல்கத்தா

இன்று இந்தியா மற்றும் மேற்கிந்தியத் தீவுகள் அணிகளுக்கிடையே மூன்றாம்  மற்றும் இறுதி டி 20 கிரிக்கெட் போட்டி கொல்கத்தாவில் நடைபெறுகிறது.

தற்போது இந்தியா மற்றும் மேற்கிந்தியத் தீவுகள் அணிகளுக்கு இடையே கிரிக்கெட் போட்டிகள் நடந்து வருகின்றன.  இதில் டி 20 என்னும் 20 ஓவர் போட்டிகளில் 2 போட்டிகள் ஏற்கனவே நடந்துள்ளன.   இன்று மூன்றாவது மற்றும் இறுதிப் போட்டி கொல்கத்தாவில் நடைபெற உள்ளது. ஏற்கனவே நடந்த இரு போட்டிகளில் இந்தியா வெற்றி பெற்றுள்ளது.

இன்று கொல்கத்தா ஈடன் கார்டன் மைதானத்தில் இந்த போட்டி இரவு 7 மணிக்கு நடைபெற உள்ளது.  இந்த போட்டியிலும் வென்று தொடரை முழுமையாகக் கைப்பற்ற இந்தியா தீவிமாக உள்ளது.  அதே வேளையில் இந்த போட்டியில் விராட் கோலி மற்றும் ரிஷப் பந்த் ஆகியோருக்கு ஓய்வு அளிக்கப்பட்டுள்ளது ரசிகர்களுக்கு ஏமாற்றமாக உள்ளது.

இந்திய அணியில் ரோஹித் சர்மா (அணித்தலைவர்),ருதுராஜ் கெய்க்வாட், இஷான் கிஷன் (வி.கீப்பர்),ஷ்ரேயாஸ் ஐயர்,சூர்யகுமார் யாதவ்,வெங்கடேஷ் ஐயர், தீபக் சாஹர்/ஷர்துல் தாக்கூர்,ஹர்ஷல் படேல்,புவனேஷ்வர் குமார்,யுஸ்வேந்திர சாஹல்/குல்தீப் யாதவ்,ரவி பிஷ்னோய் ஆகியோர் உள்ளனர்.

மேற்கிந்திய அணியில் பிராண்டன் கிங்,கைல் மேயர்ஸ், நிக்கோலஸ் பூரன் (வி.கீப்பர்),ரோவ்மேன் பவல்,கீரன் பொல்லார்ட் (அணித்தலைவர்),ஜேசன் ஹோல்டர்,ஒடியன் ஸ்மித்,ரோஸ்டன் சேஸ்,அகேல் ஹோசின்,ரொமாரியோ ஷெப்பர்ட், ஷெல்டன் காட்ரெல் ஆகியோர் உள்ளனர்.