நாகை: கோடியக்கரை அருகே மீன்பிடித்த நாகை மீனவர்கள்மீது இலங்கை கடற்படை துப்பாக்கி சூடுlத்தியது. இதில் மீனவர் ஒருவர் தலையில் குண்டு பாய்ந்தது. அவர் ஆபத்தான நிலையில் சிகிச்சைக்கு அனுமதிக்கப்பட்டு உள்ளார்.
கோடியக்கரை அருகே மீன்பிடித்துக் கொண்டிருந்த நாகை அக்கரைப்பேட்டை மீனவர்கள், இந்திய எல்லைப்பகுதியில் மீன்பிடித்துக்கொண்டிருந்தனர். அப்போது, அங்கு வந்த இலங்கை கடற்படையினர், அவர்களை அங்கிருந்து செல்லும்படி அறிவுறுத்தி துப்பாக்கியால் சுட்டது. இதில் நாகை மீனவர் கலைச்செல்வன் தலையில் குண்டுபாய்ந்துள்ளது. அவர் ஆபத்தான நிலையில் நாகை மருத்துவமனையில் அனுமதிக்கப்பட்டுள்ளார்.
இலங்கை கடற்படையினரின் துப்பாக்கிச்சூட்டையடுத்து, விசைப்படகில் மீன்பிடித்துக் கொண்டிருந்த 10 மீனவர்கள் கரை திரும்பினர். இலங்கை கடற்படையினரின் தொடர் அத்துமீறலுக்கு முற்றுப்புள்ளி வைக்க வேண்டும் என மத்திய மாநில அரசுகளை மீனவர்கள் வலியுறுத்தி உள்ளனர்.