டெல்லி: இந்தியாவில் கொரோனா தொற்று பரவல் படிப்படியாக குறைந்து வருகிறது. கடந்த 24 மணி நேரத்தில் மேலும் 1.86 லட்சம் பேருக்கு கொரோனா உறுதி செய்யப்பட்ட நிலையில், 3,660 பேர் உயிரிழந்துள்ளனர்.
நாடு முழுவதும் கடந்த 24மணி நேரத்தில் ஏற்பட்ட கொரோனா பாதிப்பு குறித்து, மத்திய சுகாதாரத்துறை அமைச்சகம் வெளியிட்டுள்ள அறிக்கையில் கூறியிருப்பதாவது,
நேற்று ஒரே நாளில் 1,86,364 பேர் புதியதாக பாதிக்கப்பட்டுள்ள நிலையில், மொத்த பாதிப்பு எண்ணிக்கை 2,75,55,457 ஆக அதிகரித்துள்ளது.
கடந்த 24மணி நேரத்தில், 3,660 பேர் உயிரிழந்துள்ள நிலையில், நாட்டின் உயிரிழந்தோர் மொத்த எண்ணிக்கை 3,18,895 ஆக உயர்ந்துள்ளது.
நேற்று ஒரே நாளில் 2,59,459 பேர் குணமடைந்துள்ளனர். இதன் மூலம், நாட்டில் மொத்தம் குணமடைந்தோர் எண்ணிக்கை 2,48,93,410 ஆக உயர்ந்துள்ளது.
தற்போதைய நிலையில், கொரோனா தொற்றால் பாதிக்கப்பட்ட 23,43,152 பேர் மருத்துவமனையில் சிகிச்சை பெற்று வருகின்றனர்.
நாட்டில் இதுவரை 20,57,20,660 பேருக்கு கொரோனா தடுப்பூசி போடப்பட்டுள்ளது.