சட்டமன்றத் தேர்தலில் திமுக கூட்டணி 159 தொகுதிகளில் அமோக வெற்றி பெற்று ஆட்சியை கைப்பற்றியுள்ளது. இந்த நிலையில் வரும் 7 ஆம் தேதி தமிழக முதலமைச்சராக திமுக தலைவர் மு.க.ஸ்டாலின் பதவியேற்க உள்ளார்.
அவருக்கு அரசியல் கட்சித் தலைவர்கள், திரைப்பிரபலங்கள் பலரும் தங்கள் வாழ்த்துக்களை தெரிவித்து வருகின்றனர். அந்த வகையில், இயக்குனர் வெற்றிமாறன், நடிகர் விஜய் சேதுபதி உள்ளிட்ட 67 பேர் வாழ்த்து தெரிவித்து கடிதம் ஒன்றை எழுதியுள்ளனர்.
அந்த கடிதத்தில் அவர்கள் 14 கோரிக்கைகள் வைத்துள்ளதாக தகவல்கள் வெளிவந்துள்ளது. ஸ்டெர்லைட், எட்டுவழிச்சாலை, கூடங்குளம் உள்ளிட்ட பிரச்சனைகளுக்கு தீர்வுகாண அந்த கடிதத்தில் விஜய் சேதுபதி உள்ளிட்டோர் வலியுறுத்தி உள்ளனர் என்பது குறிப்பிடத்தக்கது.