சென்னை: அரசியலில் இருந்து ஒதுங்கியுள்ள சூப்பர் ஸ்டார் ரஜினிக்கு மத்தியஅரசு “தாதாசாகேப் பால்கே விருது விருது வழங்கி கவுரவித்துள்ளது. இதற்கு தமிழக முதல்வர் எடப்பாடி பழனிச்சாமி, திமுக தலைவர் மு.க.ஸ்டாலின், அம்மா மக்கள் முன்னேற்றக்கழகம் பொதுச்செயலாளர் டிடிவி தினகரன், பாமக இளைஞரணி தலைவர் அன்புமணி ராமதாஸ், மக்கள் நீதி மய்யம் கட்சித்தலைவர் கமல்ஹாசன் உள்பட அரசியல் கட்சியினர், திரையுலகினர் வாழ்த்து தெரிவித்து வருகின்றனர்.
தமிழக முதல்வர் எடப்பாடி பழனிச்சாமி
முதல்வர் பழனிசாமி நடிகர் ரஜினிகாந்துக்கு போனில் வாழ்த்து தெரிவித்துள்ளார். அதில், தங்களது தன் நடிப்புத் திறமைக்கும் கடின உழைப்புக்கும் கிடைத்த அங்கீகாரமாக விருது கிடைத்துள்ளது. மேலும் பல விருதுகளைப் பெற வேண்டும் என ரஜினியை வாழ்த்தி உள்ளார் முதல்வர் எடப்பாடி பழனிசாமி. அதேபோல் நடிகரும் மக்கள் நீதி மய்ய தலைவருமான கமல் ஹாசன், “உயரிய விருதான தாதா சாகேப் பால்கே விருது உச்ச நட்சத்திரமும் என் மனதிற்கு இனிய நண்பருமான ரஜினிகாந்திற்கு அறிவிக்கப்பட்டிருப்பது பெரும் மகிழ்வளிக்கிறது. திரையில் தோன்றுவதன் மூலமே ரசிகர்களை வென்றெடுத்துவிட முடியும் என்பதை நிரூபித்த ரஜினிக்கு இந்த விருது 100% பொருத்தம்.” என்று டிவிட்டரில் பதிவிட்டுள்ளார்.
திமுக தலைவர் மு.க.ஸ்டாலின்,
“இனிய நண்பரும், தன்னிகரற்ற கலைஞனுமாகிய சூப்பர் ஸ்டார் ரஜினிகாந்துக்கு, #DadasahebPhalkeAward கிடைத்திருப்பதை அறிந்து மகிழ்கிறேன். தாமதம் என்றாலும் வரவேற்புக்குரியது! நடிப்புக்கும், நட்புக்கும் இலக்கணமான நண்பர் ரஜினி அவர்களின் கலைப்பயணம் என்றென்றும் இனிதே தொடர வாழ்த்துகள்!” என்று குறிப்பிட்டுள்ளார்.
பாமகவின் அன்புமணி ராமதாஸ்,
“இந்தியாவில் திரைத்துறையின் மிக உயர்ந்த விருதான தாதா சாகேப் பால்கே விருது நடிகர் ரஜினிகாந்த் அவர்களுக்கு வழங்கப்பட்டிருப்பது மகிழ்ச்சியளிக்கிறது. விருது பெற்ற இனிய நண்பர் ரஜினிகாந்த் அவர்களுக்கு எனது வாழ்த்துகளைத் தெரிவித்துக் கொள்கிறேன். தமிழ்நாட்டில் நடிகர் திலகம் சிவாஜி கணேசன், இயக்குனர் சிகரம் கே.பாலச்சந்தர் ஆகியோருக்கு அடுத்தபடியாக மூன்றாவதாக இந்த விருது நடிகர் ரஜினிகாந்துக்கு வழங்கப்பட்டிருப்பது தமிழ்த் திரையுலகிற்கு பெருமை சேர்க்கும் விஷயமாகும்” என்று பதிவிட்டுள்ளார்.
அமமுக பொதுச்செயலாளர் தினகரன்
“திரைத்துறையினருக்கு மத்திய அரசினால் வழங்கப்படும் உயரிய விருதான “தாதா சாகேப் பால்கே” விருது சூப்பர் ஸ்டார் ரஜினிகாந்த் அவர்களுக்கு வழங்கப்படுவதாக அறிவிக்கப்பட்டுள்ளது. இந்திய திரையுலகிற்கு மிகச் சிறந்த பங்களிப்பை ரஜினிகாந்த் வழங்கி வருவதற்காக இந்த விருது வழங்கப்படுகிறது. தாதா சாகேப் பால்கே விருது மட்டுமின்றி மென்மேலும் பல சிகரங்களைத் தொட நண்பர் ரஜினிகாந்த்தை இத்தருணத்தில் வாழ்த்துகிறேன்!” என்று கூறியுள்ளார்.
மக்கள் நீதி மய்யம் கட்சித்தலைவர் கமல்ஹாசன்
உயரிய விருதான தாதாசேகப் பால்கே விருது உச்ச நட்திரமும், என மனதிற்கு இனிய நண்பருமான ரஜினிகாந்திக்கு அறிவிக்கப்பட்டிருப்பத பெரும் மகிழ்வளிக்ககிறது. திரையில் தோன்றுவதன் மூலமே ரசிகர்களை வென்றெடுத்துவிட முடியும் என்பதை நிரூபித்த ரஜினிக்கு இந்த விருது 100 சதவிகிதம் பொருத்தம்.
