புனே: தொடர்ச்சியாக 5 கோப்பைகளை வென்றுள்ள இந்திய அணி, அதன் சிறந்த காலக்கட்டத்தில் உள்ளது என்று கருத்து தெரிவித்துள்ளார் இந்திய அணியின் தலைமைப் பயிற்சியாளர் ரவி சாஸ்திரி.
ஆஸ்திரேலியாவில் டி-20 மற்றும் டெஸ்ட் வெற்றி கோப்பைகள், இந்தியாவில், இங்கிலாந்துக்கு எதிராக டெஸ்ட், டி-20 மற்றும் ஒருநாள் கோப்பைகளை வென்றதன் மூலம், வலுவான அணிகளுக்கு எதிராக தொடர்ந்து 5 கோப்பைகளை வென்றுள்ளது இந்திய அணி.
இதுகுறித்து ரவி சாஸ்திரி கூறியுள்ளதாவது, “இங்கிலாந்து அணிக்கு எதிரான தொடர்களை வென்ற இந்திய அணியினருக்கு எனது வாழ்த்துக்கள் மற்றும் பாராட்டுகள். கடினமான ஒரு சூழலில், உலகின் சிறந்த இரண்டு அணிகளுக்கு இடையில் மிகச் சிறப்பாக நம் அணியினர் செயல்பட்டனர்.
உண்மையை சொன்னால், இந்தியக் கிரிக்கெட்டின் மிகச்சிறந்த சீசனாக இது அமைந்துள்ளது. இந்திய அணிக்கு தலை வணங்குகிறேன்” என்றுள்ளார் ரவி சாஸ்திரி.