சென்னை: இங்கிலாந்துக்கு எதிரான முதல் டெஸ்ட் போட்டியில், முகமது சிராஜ் சேர்க்கப்படாமல், மூத்த வீரர் இஷாந்த் ஷர்மா சேர்க்கப்பட்டது ரசிகர்கள் பலரிடையே கடும் அதிருப்தியை கிளப்பியுள்ளது.
ஆஸ்திரேலிய தொடரில், இளம் புதுமுக வீரராக அறிமுகம் செய்யப்பட்ட சிராஜ், மிகவும் சிறப்பாக செயல்பட்டார். இந்நிலையில், இங்கிலாந்து அணிக்கெதிரான முதல் 2 டெஸ்ட் போட்டிகளுக்கான அணியில் இடம்பெற்ற சிராஜ், முதல் டெஸ்ட்டில் களமிறங்குவார் என்று எதிர்பார்க்கப்பட்டது.
ஆனால், யாரும் எதிர்பாராத வகையில், முதல் டெஸ்ட்டில் முகமது சிராஜுக்கு வாய்ப்பு கொடுக்கப்படாமல், அவருக்குப் பதிலாக இஷாந்த் ஷர்மா சேர்க்கப்பட்டுள்ளார். கடந்த பல மாதங்களாக கிரிக்கெட்டே ஆடாமல் இருந்தவர் இஷாந்த் ஷர்மா.
ஆனாலும், ஆஸ்திரேலியாவுக்கு எதிராக, அவர்கள் மண்ணிலேயே சிறப்பாக செயல்பட்ட சிராஜை நீக்கிவிட்டு, அந்த இடத்தில், இஷாந்த் ஷர்மாவை கொண்டுவந்தது கடும் அதிருப்தியை ஏற்படுத்தியுள்ளது.