டாக்கா: வங்கதேசத்திற்கு எதிரான முதல் டெஸ்ட் போட்டியில், இரண்டாம் நாள் ஆட்டநேர முடிவில், 75 ரன்களுக்கு 2 விக்கெட்டுகளை இழந்துள்ளது விண்டீஸ் அணி.
முதல் இன்னிங்ஸில், வங்கதேச அணி 430 ரன்களுக்கு ஆட்டமிழந்தது. இதனையடுத்து, இரண்டாம் நாளில் தனது முதல் இன்னிங்ஸை துவக்கியது விண்டீஸ் அணி.
அந்த அணியின் துவக்க வீரர் கிரெய்க் பிராத்வெய்ட் 49 ரன்களுடன் இன்னும் ஆட்டமிழக்காமல் களத்தில் நிற்கிறார். அவர் இதுவரை மொத்தமாக 81 பந்துகளை மட்டுமே எடுத்துக்கொண்டுள்ளார்.
ஜான் கேம்ப்பெல் 3 ரன்களிலும், ஷாய்னே மோஸ்லே 2 ரன்களிலும் ஆட்டமிழந்தனர். பிராத்வெய்ட்டுடன் இணை சேர்ந்து நிக்ருமா பானர் 17 ரன்களுடன் ஆடிவருகிறார்.
இரண்டாம் நாள் ஆட்டநேர முடிவில், 2 விக்கெட்டுகளை இழந்து 75 ரன்கள் எடுத்துள்ளது விண்டீஸ் அணி. தற்போதைய நிலையில், வங்கதேசத்தைவிட 355 ரன்கள் பின்தங்கியுள்ளது விண்டீஸ் அணி.