டெல்லி: வரும் 14, 15, 16 ஆகிய தேதிகளில் காங்கிரஸ் எம்.பி. ராகுல் காந்தி மீண்டும் தமிழகம் வர உள்ளார்.
தமிழகத்தில் சட்டசபை தேர்தல் நடைபெற உள்ளதால் மாநிலக் கட்சிகள் மட்டுமின்றி தேசியக் கட்சிகளின் தலைவர்களும் தமிழகத்தில் பிரச்சாரம் மேற்கொண்டு வருகின்றனர். அந்த வகையில் காங்கிரஸ் முன்னாள் தலைவரும், எம்.பி.யுமான ராகுல் காந்தி ஜனவரி 23, 24, 25 ஆகிய தேதிகளில் தேர்தல் பிரசாரத்துக்காக தமிழகம் வந்தார்.
கரூர், அரியலூர், கோவை, ஈரோடு, திருப்பூர் உள்ளிட்ட மாவட்டங்களில் தேர்தல் பிரசாரம் மேற்கொண்ட அவருக்கு நல்ல வரவேற்பு கிடைத்தது. இதையடுத்து, 2ம் கட்ட பிரசாரத்துக்காக வரும் பிப்ரவரி 14, 15, 16 ஆகிய தேதிகளில் ராகுல் காந்தி தமிழகம் வர உள்ளார்.
அன்றைய தினம் தான் மெட்ரோ ரயில் விரிவாக்கம் உள்ளிட்ட திட்டங்களை தொடங்கி வைக்க பிரதமர் மோடியும் தமிழகம் வருகிறார் என்பது குறிப்பிடத்தக்கது.