டெல்லி, லடாக், தெலுங்கானா, மகாராஷ்டிரா, பீகார், மேற்கு வங்காளம், தமிழ்நாடு, இமாச்சலப் பிரதேசம் மற்றும் நாகாலாந்து உள்ளிட்ட 9 மாநிலங்கள் மற்றும் யூனியன் பிரதேசங்களின் ஆளுநர்களை மாற்றம் செய்து ஜனாதிபதி மாளிகை வெள்ளிக்கிழமை இரவு அறிவிப்பு வெளியிட்டுள்ளது.
ஜனாதிபதி அலுவலகம் வெளியிட்ட அதிகாரப்பூர்வ அறிவிப்பின்படி, பல ஆளுநர்கள் மற்றும் லெப்டினன்ட் கவர்னர்கள் மாற்றப்பட்டுள்ளனர் அல்லது மாற்றங்களின் ஒரு பகுதியாக புதிதாக நியமிக்கப்பட்டுள்ளனர்.
புதிதாக நியமிக்கப்பட்டுள்ள ஆளுநர்கள் பொறுப்பேற்கும் தேதியிலிருந்து அவர்களின் ஐந்தாண்டு பதவிக்காலம் நடைமுறைக்கு வரும்.
முக்கிய மாற்றங்களில், டெல்லியின் தற்போதைய லெப்டினன்ட் கவர்னரான வினய் குமார் சக்சேனா, லடாக்கின் லெப்டினன்ட் கவர்னராக நியமிக்கப்பட்டுள்ளார்.
அமெரிக்காவிற்கான முன்னாள் இந்திய தூதர் தரஞ்சித் சிங் சந்து டெல்லியின் புதிய லெப்டினன்ட் கவர்னராக நியமிக்கப்பட்டுள்ளார்.
மற்றொரு நடவடிக்கையில், தற்போது இமாச்சலப் பிரதேச ஆளுநராக பணியாற்றி வரும் ஷிவ் பிரதாப் சுக்லா, தெலுங்கானாவின் ஆளுநராக நியமிக்கப்பட்டுள்ளார்.
தெலுங்கானாவின் தற்போதைய ஆளுநரான ஜிஷ்ணு தேவ் வர்மா, மாற்றப்பட்டு மகாராஷ்டிராவின் ஆளுநராக நியமிக்கப்பட்டுள்ளார்.
நாகாலாந்து ஆளுநராக நந்த் கிஷோர் யாதவையும், பீகார் ஆளுநராக ஓய்வுபெற்ற ராணுவ அதிகாரி லெப்டினன்ட் ஜெனரல் (ஓய்வு) சையத் அதா ஹஸ்னைனையும் குடியரசுத் தலைவர் நியமித்துள்ளார்.
மேலும், தமிழக ஆளுநராக இருந்த ஆர்.என்.ரவி, மேற்கு வங்க ஆளுநராக நியமிக்கப்பட்டுள்ளார். தற்போது கேரள ஆளுநராக உள்ள ராஜேந்திர விஸ்வநாத் அர்லேகர், தமிழக ஆளுநரின் பணிகளை மேற்கொள்வார்.
மற்றொரு மாற்றமாக, லடாக்கின் லெப்டினன்ட் கவர்னரான கவிந்தர் குப்தா, இமாச்சலப் பிரதேச ஆளுநராக நியமிக்கப்பட்டுள்ளார்.
நியமனங்கள் மற்றும் இடமாற்றங்களின் முழு பட்டியல்
வினை குமார் சக்சேனா – லடாக்கின் லெப்டினன்ட் கவர்னராக நியமிக்கப்பட்டார் (தற்போது டெல்லி துணை ஆளுநர்)
தரஞ்சித் சிங் சந்து – டெல்லியின் லெப்டினன்ட் கவர்னராக நியமிக்கப்பட்டார்
சிவ் பிரதாப் சுக்லா – தெலுங்கானாவின் ஆளுநராக நியமிக்கப்பட்டார் (தற்போது இமாச்சலப் பிரதேச ஆளுநர்)
ஜிஷ்ணு தேவ் வர்மா – மகாராஷ்டிராவின் ஆளுநராக நியமிக்கப்பட்டார் (தற்போது தெலுங்கானா ஆளுநர்)
நந்த் கிஷோர் யாதவ் – நாகாலாந்து ஆளுநராக நியமிக்கப்பட்டார்
லெப்டினன்ட் ஜெனரல் (ஓய்வு) சையத் அதா ஹஸ்னைன் – பீகார் ஆளுநராக நியமிக்கப்பட்டார்
ஆர்.என்.ரவி – மேற்கு வங்க ஆளுநராக நியமிக்கப்பட்டார் (தற்போது தமிழக ஆளுநர்)
ராஜேந்திர விஸ்வநாத் அர்லேகர் – தமிழக ஆளுநராக (தற்போது கேரள ஆளுநர்) பணிகளைச் செய்ய
கவீந்தர் குப்தா – இமாச்சலப் பிரதேசத்தின் ஆளுநராக நியமிக்கப்பட்டார் (தற்போது லடாக்கின் துணை ஆளுநர்)
[youtube-feed feed=1]மேற்கு வங்காள ஆளுநர் திடீர் ராஜினாமா… புதிய ஆளுநராக ஆர்.என். ரவி நியமனம்… மம்தா பானர்ஜி அதிர்ச்சி