சென்னை
கடந்த 3 நாட்களில் பொங்கல்சிறப்பு பேருந்துகளில் 6.40 லட்சன் பேர் பயணம் செய்துள்ளனர்.
நாளை தமிழர் திருநாளான பொங்கல் பண்டிகை தமிழகம் முழுவதும் கொண்டாட உள்ள நிலையில், கடந்த 3 தினங்களாக ஆயிரக்கணக்கான மக்கள் பேருந்துகள், ரயில்கள் மற்றும் விமானங்களிலும் தங்கள் சொந்த ஊர்களுக்கு புறப்பட்டு சென்று கொண்டிருக்கின்றனர். தமிழக அர்சு மக்கள் பயணத்திற்காக சிறப்பு பஸ்களை ஏற்பாடு செய்துள்ளது.
ரயில்களில் அனைத்து டிக்கெட் முன்பதிவுகளும் நிரம்பி விட்டதால், அரசு பேருந்துகளில் பயணிகள் பயணித்து வருவதால் பொங்கல் சிறப்பு பஸ்களில் கடந்த 3 நாட்களில் 6.40 லட்சம் பேர் பயணம் செய்துள்ளதாக தகவல் தெரிவிக்கப்பட்டுள்ளது.
அரசு போக்குவரத்துத்துறை தனது எக்ஸ் வலைதளத்தில்,
“தமிழக அரசு போக்குவரத்து துறையின் சார்பில், பொங்கல் திருநாளினை முன்னிட்டு ஏற்பாடு செய்யப்பட்டுள்ள சிறப்பு பேருந்துகளின் இயக்கம் நேற்று (12.01.2025) நள்ளிரவு 12 மணி நிலவரப்படி, வழக்கமாக இயக்கப்படும் பஸ்களின் எண்ணிக்கையான 2,092 பஸ்களில், 2,092 பஸ்களும், 1,858 சிறப்பு பஸ்களும் ஆக 3,950 பஸ்களில் 2,17,250 பயணிகள் பயணம் செய்தனர். கடந்த 10.01.2025 முதல் 12.01.2025 இரவு 12 மணி வரை 11,463 பஸ்களில் 6,40,465 பயணிகள் பயணித்துள்ளனர்”
என்று பதிவிட்டுள்ளது.