டில்லி:
நாடு முழுவதும் 4வது கட்ட தேர்தல் 9 மாநிலங்களில் உள்ள 72 மக்களவைத் தொகுதிகளில் வாக்குப்பதிவு நடைபெற்று முடிவடைந்தது. இதில் 64 சதவித வாக்குப்பதிவு நடைபெற்றுள்ளதாக தேர்தல் ஆணையம் தெரிவித்து உள்ளது.
ஏற்கனவே 3 கட்ட தேர்தல் முடிவடைந்த நிலையில், 4வது கட்ட தேர்தல் வாக்குப்பதிவு இன்று 9 மாநிலங்களில் 72 தொகுதிகளில் நடைபெற்றது. இன்று காலை காலை 7 மணிக்கு தொடங்கிய நிலையில் மாலை 6 மணிக்கு முடிவடைந்தது.
இன்றைய தேர்தலில், எராளமான பாலிவுட் பிரபலங்கள் தங்களது வாக்குகளை பதிவு செய்தனர். அதுபோல, கிரிக்கெட் ஜாம்பவான் சச்சின் தெண்டுல்கர் தனது வாக்கை பதிவு செய்தார்.
சில வாக்குச்சாவடிகளில், சரியாக 6 மணிக்குள் வந்த வாக்காளர்களுக்கு டோக்கன் கொடுக்கப்பட்டு வாக்குப்பதிவு செய்ய அனுமதிக்கப்பட்டது.
இன்றைய தேர்தலில் 64 சதவிகித வாக்குகள் பதிவு ஆனதாக தேர்தல் ஆணையம் தெரிவித்துள்ளது.
மாநிலம் வாரியாக வாக்குப்பதிவு நிலவரம்
பீகார் – 53.67 %
ஜம்மு-காஷ்மீர் – 9.79 %
மத்திய பிரதேசம் – 65.86 %
மகாராஷ்டிரா – 51.06 %
ஒடிசா – 64.05 %
ராஜஸ்தான் – 62.86 %,
உத்தரபிரதேசம் – 53.12 %
மேற்கு வங்கம் – 76.47 %
ஜார்க்கண்ட் – 63.40 %
அதிகபட்சமாக மேற்கு வங்காளத்தில் 76.47 சதவிகித வாக்குகள் பதிவாகி உள்ளது.