சென்னை: புறநகர் ரயில் பயணிகளின் கோரிக்கையை ஏற்று, சென்னை சென்ட்ரல் – கும்மிடிப்பூண்டிக்கு 2 புதிய EMU ரயில்கள் இயக்கப்படுவதாக தெற்கு ரயில்வே அறிவிப்பு வெளியிட்டு உள்ளது. அதனப்டி, இந்த புதிய ரயில்சேவை மார்ச் 3 முதல் தொடங்கப்பட்டு உள்ளது.
ரயில் பயணிகள் பலமுறை விடுத்த வேண்டுகோளின் பேரில் தெற்கு ரயில்வே சென்னையில் இருந்து கும்மிடிபூண்டிக்கு 2 புதிய EMU ரயில் சேவைகளை அறிமுகப்படுத்தியுள்ளது. மார்ச் 3 முதல் பயணிகளின் வசதிக்காக சென்னையில் இருந்து நான்கு புதிய EMU சேவைகளை அறிமுகப்படுத்துவதாக சென்னை ரயில்வே பிரிவு அறிவித்துள்ளது.
அதன்படி, கும்மிடிப்பூண்டி – டாக்டர் எம்ஜிஆர் சென்னை சென்ட்ரல் EMU உள்ளூர் ரயில் காலை 9.10 மணிக்கு கும்மிடிப்பூண்டியிலிருந்து புறப்படும் என்று அறிவிக்கப்பட்டுள்ளது.
அதே போல, டாக்டர் எம்ஜிஆர் சென்னை சென்ட்ரல் – கும்மிடிபூண்டி EMU உள்ளூர் ரயில் இரவு 10.35 மணிக்கு சென்னை சென்ட்ரலில் இருந்து புறப்படும் என்று அறிவிக்கப்பட்டுள்ளது.
