டில்லி:
நாடு முழுவதும் 4வது கட்ட தேர்தல் வாக்குப்பதிவு இன்று காலை 7 மணி முதல் விறுவிறுப்பாக நடைபெற்று வருகிறது. இன்று காலை 9 மணி நிலவரப்படி 10.27 சதவிகிதம் மட்டுமே வாக்குகள் பதிவாகி உள்ளன.
9 மாநிலங்களில் உள்ள 72 மக்களவைத் தொகுதிகளில் வாக்குப்பதிவு தொடங்கி நடைபெற்று வருகிறது. இந்த 72 தொகுதிகளில் சுமார் 943 வேட்பாளர்கள் களத்தில் உள்ளனர். வாக்குப் பதிவுக்காக சுமார் ஒரு லட்சத்து 40ஆயிரம் வாக்குச்சாவடிகள் அமைக்கப்பட்டு உள்ளது. 12 கோடியே 79 லட்சம் வாக்காளர்கள் தங்கள் வாக்குகளை பதிவு செய்ய உள்ளனர்.
இந்த நிலையில் இன்று காலை 9மணி வரை பதிவான வாக்குப்பதிவு நிலவரத்தை தேர்தல் ஆணையம் வெளியிட்டு உள்ளது. சராசரியாக 10.27% வாக்குப்பதிவு நடைபெற்றுள்ளது.
பீகார் 10.76%
ஜம்மு-காஷ்மீர் 0.61%
மத்திய பிரதேசம் 11.11%
மகாராஷ்டிரா 5.87%
ஒடிசா 8.34%
ராஜஸ்தான் – 11.20%
உத்தரபிரதேசம் – 9.01%
மேற்கு வங்கம் – 16.89%
ஜார்க்கண்ட் – 12%