அமராவதி
கடப்பா தொகுதியில் காங்கிரஸ் வேட்பாளராக ஒய் எஸ் ஷர்மிளா ரெட்டி போட்டியிடுகிறார்.
நாடெங்கும் நாடாளுமன்றத் தேர்தல் வருகிற 19 ஆம் தேதி முதல் ஜூன் மாதம் 1 ஆம் தேதி வரை 7 கட்டங்களாக நடக்க இருக்கிறது. இன்று நாடாளுமன்ற தேர்தலில் 17 பேர் கொண்ட வேட்பாளர்களின் பட்டியலைக் காங்கிரஸ் கட்சி வெளியிட்டுள்ளது. இதில் ஒடிசாவில் இருந்து 8 வேட்பாளர்கள், ஆந்திராவில் இருந்து 5 பேர். பீகாரில் இருந்து 3 பேர் மற்றும் மேற்கு வங்காளத்தில் இருந்து ஒருவர் இடம் பெற்றுள்ளனர்.
ஆந்திர முதல்வர் ஜெகன் மோகன் ரெட்டியின் சகோதரியும் மாநில காங்கிரஸ் கட்சித் தலைவருமான ஒய்.எஸ்.ஷர்மிளா ரெட்டி கடப்பா தொகுதியில் போட்டியிடுகிறார் என அறிவிக்கப்பட்டுள்ளது. அவரை எதிர்த்து காக்கிநாடா தொகுதியில் முன்னாள் கல்வி அமைச்சர் எம்.எம்.பள்ளம் ராஜூ போட்டியிடுகிறார்.
மேலும் பீகாரில் உள்ள கிஷன்கஞ்ச் மக்களவைத் தொகுதியில் காங்கிரஸ் நாடாளுமன்ற உறுப்பினர் . முகமது ஜாவேத்தும், கதிஹார் தொகுதியில் மூத்த தலைவர் தாரிக் அன்வரும், பகல்பூர் மக்களவைத் தொகுதியில் காங்கிரஸ் சட்டமன்ற உறுப்பினர் அஜீத் சர்மாவும் போட்டியிடுகின்றனர். ஒடிசாவின் பர்கர் தொகுதியில் முன்னாள் நாடாளுமன்ற உறுப்பினர் சஞ்சய் போய் போட்டியிடுகிறார்.