இங்கிலாந்து அணி, நீண்ட சுற்றுப்பயணத்தின் பொருட்டு இந்தியாவிற்கு வந்து இறங்கும் முன்பாகவும் சரி, முதல் டெஸ்ட் போட்டியில், இங்கிலாந்திடம் இந்திய அணி தோற்றபோதும் சரி, வேறுமாதிரி சவுண்டு விட்டவர் இங்கிலாந்து முன்னாள் வீரர் கெவின் பீட்டர்சன்!
ஆஸ்திரேலிய மண்ணில் நம்ப முடியாத வெற்றியை இந்திய அணி பெற்ற பிறகு, அதுதொடர்பான மகிழ்வான தருணத்தை கடந்துசென்றபோது, “இந்திய அணி ரொம்பவும் கொண்டாட வேண்டாம். உண்மையான கிரிக்கெட் அணி இனிமேல்தான் இந்தியா வரவுள்ளது” என்று எச்சரிக்கை தொனியில் கருத்து தெரிவித்தார்.
அதனையடுத்து, முதல் டெஸ்ட் போட்டியில், இந்திய அணி மோசமாக தோற்றவுடன், “நான்தான் அன்றைக்கே சொன்னேனே! அதிகமாக கொண்டாடாதீர்கள்” என்று நக்கலடித்தார் கெவின் பீட்டர்சன்.
ஆனால், பந்துகள் முதல் நாளிலிருந்தே சுழலும் பிட்சில், இங்கிலாந்து அணி மோசமான தோல்வியை சந்தித்துள்ளது. எனவே, இப்போது அந்த பீட்டர்சன் என்ன ஆனார்? எங்கே போனார்? என்று பலர் தேடிக் கொண்டுள்ளனர்..!