துபாய்: அனைத்துவகை கிரிக்கெட்டிலும், முதல் 5 இடங்களில் இருக்கும் ஒரே பேட்ஸ்மென் என்ற பெருமையை பெற்றுள்ளார் விராத் கோலி.
தற்போது, இங்கிலாந்துக்கு எதிராக நடைபெற்றுவரும் டி-20 தொடரில் சிறப்பாக ஆடிவருவதன் மூலம், அந்தவகை கிரிக்கெட்டில் 5வது இடம் பிடித்துள்ளார் விராத் கோலி.
இதன்மூலம், ஏற்கனவே ஒருநாள் கிரிக்கெட்டில் முதலிடத்திலும், டெஸ்ட் கிரிக்கெட்டில் 5வது இடத்திலும் இருக்கும் விராத் கோலி, தற்போது டி-20 கிரிக்கெட்டிலும் முதல் 5 இடங்களுக்குள் வந்துள்ளார்.
டி-20 கிரிக்கெட்டைப் பொறுத்தவரை, இதர இந்திய வீரர்களான ஷ்ரேயாஸ், ரிஷப் பன்ட், வாஷிங்டன் சுந்தர், ஷர்துல் தாகுர் ஆகியோரும் தரவரிசையில் முன்னேற்றம் கண்டுள்ளனர்.
இங்கிலாந்து சார்பில், ஜோஸ் பட்லர் மற்றும் பேர்ஸ்டோ போன்றோரும் டி-20 தரவரிசையில் முன்னேற்றம் கண்டுள்ளனர்.