விஜய் விரைவில் தொலைக்காட்சி சேனல் தொடங்குகிறாரா?

சென்னை

நடிகரும் தவெக தலைவருமான் விஜய் விரைவில் தொலைக்காட்சி சேனல் தொடங்க உள்ளதாக அதிகாரபூர்வமற்ற தகவல்கள் தெரிவிக்கின்றன.

கடந்த மாதம் 27ஆம் தேதி விக்கிரவாண்டியில் நடந்த தமிழக வெற்றிக்கழகத்தின் முதல் மாநாட்டில் தமிழகம் முழுவதிலும் இருந்து லட்சக்கணக்கான தொண்டர்கள் பங்கேற்றனர். மாநாட்டில் விஜய்யின் பரபரப்பான பேச்சு தமிழக அரசியல் வட்டாரத்தில் பெரும் அதிர்வலையை ஏற்படுத்தியது. இதைட் தொடர்ந்து 2026-ம் ஆண்டு சட்டமன்ற தேர்தலை எதிர்கொள்ள தமிழக வெற்றிக்கழகம் தயாராகி வருகிறது.

தமிழக வெற்றிக்கழக தலைவர் நடிகர் விஜய், புதிய தொலைக்காட்சி சேனலை தொடங்கவுள்ளதாக தகவல் வெளியாகியுள்ளது. அந்த சேனலில் தனது கட்சி சார்ந்த செய்திகள், செயல்கள் என அனைத்தையும் ஒளிபரப்ப உள்ளார். விஜய் இதுதொடர்பாக கட்சியின் முக்கிய நிர்வாகிகளிடம் ஆலோசித்து வருவதாக கூறப்படுகிறது

அனைத்து கட்சிகளுக்கும் தனியாக தொலைக்காட்சி சேனல்கள் உள்ளதால் அதேபோல் விஜய்யும் தொடங்க முடிவு செய்துள்ளார் எனத் தெரிகிறது., விஜய் இப்போதைக்கு ‘தமிழ் ஒளி’ என்று தனது சேனலுக்கு தலைப்பிட்டுள்ளதாக கூறப்படுகிறது.   சேனல் இதே பெயரில் சேனல் உருவாகுமா அல்லது வேறு பெயரில் தொடங்குவார்களா என்பது வரும் காலத்தில் தெரிய வரும் என விஜய் கட்சி நிர்வாகிகள் தரப்பில் கூறப்படுகிறது.