சென்னை: தமிழகத்தில் நகர்ப்புற உள்ளாட்சி தேர்தலில் பதிவான வாக்குகள் எண்ணும் பணியானது காலை 8மணிக்கு தொடங்கி நடைபெற்று வருகிறது. காலை 9 மணி வரையிலான கட்சிகளின் முன்னணி நிலவரம் வெளியாகி உள்ளது.
காலை 9 மணி நிலவரப்படி மாநகராட்சியில் திமுக கூட்டணி 21 இடங்களிலும், அதிமுக 1 இடத்திலும் மற்றவை 1 இடத்திலும் முன்னணியில் உள்ளன. பேருராட்சியில் திமுக 23 இடஙகளிலும அதிமுக 16 இடங்களிலும்,இ மற்றவை 121 இடங்களிலும் முன்னணியில் உள்ளது.
தமிழ்நாட்டில் 21 மாநகராட்சிகள், 138 நகராட்சிகள் மற்றும் 489 பேரூராட்சிகளுக்கான நகர்ப்புற உள்ளாட்சி சாதாரண தேர்தலுக்கான வாக்குப்பதிவு19ந்தேதி நடைபெற்று முடிவடைந்தது. இதையடுத்து, வாக்கு எண்ணிக்கை மாநிலம் முழுவதும 268 மையங்களில் இன்று காலை 8மணிக்கு தொடங்கி நடைபெற்று வருகிறது. சில இடங்களில் வாக்கு எண்ணிக்கை தொடங்குவதில் சற்று தாமதமானது. அதன்படி,வேட்பாளர்கள், முகவர்கள் செல்போன் எடுத்து செல்ல அனுமதி மறுக்கப்பட்டுள்ளது. வாக்கு எண்ணும் மையங்களில் பலத்த பாதுகாப்பு ஏற்பாடு செய்யப்பட்டுள்ளது.
முதலில் தபால் வாக்குகள் எண்ணப்பட்டு வருகின்றன. அதன்பின்னர், வேட்பாளர்கள், முகவர்கள் முன்னிலையில் சீல் பிரிக்கப்பட்டு மின்னணு வாக்குகளும் எண்ணப்பட உள்ளன .
வாக்கு எண்ணும் மையங்களில்,தொடர்புடைய தேர்தல் நடத்தும் அலுவலர்களால்,அவ்வப்போது தேர்தல் முடிவுகள் அறிவிக்கப்பட்டு,பின்னர், மாநில தேர்தல் ஆணைய இணையதள முகவரியான https://tnsec.tn.nic.in/-இல் தேர்தல் முடிவுகள் குறித்த விவரங்கள் பதிவேற்றம் செய்யப்பட்டு அனைவரும் தெரிந்து கொள்ளும் வகையில் ஏற்பாடு செய்யப்பட்டுள்ளதாக மாநில தேர்தல் ஆணையம் தெரிவித்துள்ளது.
காலை 9 மணி நிலவரப்படி மாநகராட்சியில் திமுக கூட்டணி 21 இடங்களிலும், அதிமுக 1 இடத்திலும் மற்றவை 1 இடத்திலும் முன்னணியில் உள்ளன. பேருராட்சியில் திமுக 23 இடஙகளிலும அதிமுக 16 இடங்களிலும்,இ மற்றவை 121 இடங்களிலும் முன்னணியில் உள்ளது.