சென்னை: நகர்ப்புற உள்ளாட்சி தேர்தலை முன்னிட்டு 17 ஐபிஎஸ் அதிகாரிகள் இடமாற்றம் செய்து தமிழக அரசு உத்தரவிட்டு உள்ளது. இதற்கான அறிவிப்பை உள்துறை செயலாளர் பிரபாகர் வெளியிட்டு உள்ளார்.
தமிழ்நாட்டில் மாநகராட்சி, நகராட்சி, பேரூராட்சிகளுக்கான நகர்ப்புற உள்ளாட்சித் தேர்தல் பிப்ரவரி மாதம் 19ம் தேதி நடைபெறுகிறது. பிப்ரவரி 22ந்தேதி வாக்கு எண்ணிக்கை நடைபெற உள்ளது. தேர்தல் அறிவிப்பைத் தொடர்ந்து, வேட்புமனு தாக்கல் ஜனவரி 28ந்தேதி தொடங்கியது. வேட்பு மனுத்தாக்கல் செய்ய பிப்ரவரி 4ந்தேதி கடைசி நாள்.. பிப்ரவரி 5ந்தேதி வேட்பு மனு பரிசீலனையும், பிப்ரவரி 7ந்தேதி வேட்புமனு வாபஸ் பெறும் நாள் என அறிவிக்கப்பட்டு உள்ளது.இதையடுத்து தேர்தல் நடத்தை விதிகள் அமலுக்கு வந்துள்ளன.
அதன்தொடர்ச்சியாக 17 ஐபிஎஸ் அதிகாரிகள் பணியிடம் மாற்றம் செய்து தமிழக அரசு உத்தரவு பிறப்பித்துள்ளது. இதுகுறித்து உள்துறை செயலாளர் பிரபாகர் வெளியிட்டுள்ள அறிவிப்பின்படி,
சென்னை பெருநகர காவல் துணை ஆணையர் என்.குமார், சென்னை, தாம்பரம் காவல் ஆணையரகத்தின் போக்குவரத்துப் பிரிவு காவல் துணை ஆணையர் பதவிக்கு மாற்றம் செய்யப்பட்டுள்ளார்.
எம்.ஆர்.சிபி சக்ரவர்த்தி, ஐபிஎஸ், காவல் கண்காணிப்பாளர்-II, சைபர் கிரைம் பிரிவு, சென்னை, தாம்பரம் காவல் ஆணையரகம், சட்டம்-ஒழுங்கு துணைக் காவல் ஆணையர் பதவியில் மாற்றம் செய்யப்பட்டுள்ளார்.
பா.மூர்த்தி, ஐபிஎஸ், காவல் கண்காணிப்பாளர், எஸ்ஐடி, சிபி சிஐடி, சென்னை, காவல்துறை துணை ஆணையர், தலைமையகம் மற்றும் நிர்வாகம், தாம்பரம் காவல் ஆணையரகம், மறுபதிவு செய்யப்பட்ட பதவியில் மாற்றம் செய்யப்பட்டுள்ளார்.
ஜி.சுபுலட்சுமி, காவல் கண்காணிப்பாளர், சி.ஐ.யு., தடைக் குற்றங்கள், சென்னை, தாம்பரம் கமிஷனர் அலுவலகத்தில் உள்ள மத்திய குற்றப்பிரிவு துணை போலீஸ் கமிஷனர் பதவிக்கு மறுசீரமைப்பு செய்யப்பட்டுள்ளது.
ஜே.மகேஷ், ஐபிஎஸ், காவல்துறை துணை ஆணையர் சென்னை, மறுநியமனம் செய்யப்பட்ட பதவியில், ஆவடி காவல் ஆணையரகம், சட்டம் மற்றும் ஒழுங்கு துணைக் கமிஷனர் பதவிக்கு மாற்றப்பட்டுள்ளார்.
எம்.எம். அசோக்குமார், துணை போலீஸ் கமிஷனர், போக்குவரத்து மேற்கு, கிரேட்டர் சென்னல் போலீஸ், சென்னை, ஆவடி காவல் ஆணையரகம், போக்குவரத்து துணைக் காவல் ஆணையர் பதவிக்கு மாற்றம் செய்யப்பட்டுள்ளார்.
பி.பெருமாள், ஐபிஎஸ், காவல்துறை கண்காணிப்பாளர், அமலாக்கத்துறை, சென்னை, மத்திய குற்றப்பிரிவு போலீஸ் துணை கமிஷனர், ஆவடி போலீஸ் கமிஷனராக பணியிடம் மாற்றம் செய்யப்பட்டுள்ளார்.
ஜி.உமல்யாள், கமாண்டன்ட், டிஎஸ்பி IV பட்டாலியன், கோவைப்புதூர், காவல்துறை துணை ஆணையர், தலைமையகம் & நிர்வாகம், ஆவடி காவல் ஆணையரகம், எஸ்.எஸ்.மகேஷ்வரன், காவல் கண்காணிப்பாளர், அமலாக்கத்துறை, மதுரை, காவல்துறை கண்காணிப்பாளர், அமலாக்கத்துறைக்கு மாற்றம் செய்யப்பட்ட நிலையில், மொத்தம் 17 ஐபிஎஸ் அதிகாரிகள் இடமாற்றம் செய்யப்பட்டு உள்ளனர்.
புதியதாக உருவாக்கப்பட்ட தாம்பரம், ஆவடி மாநகர காவல் ஆணையரகங்களுக்கு 8 துணை ஆணையர்கள் நியமனம் செய்யபட்டுள்ளது. போக்குவரத்து, சட்டம் ஒழுங்கு, கிரைம் பிரிவு, நிர்வாகம் என தலா 4 துணை ஆணையர்கள் நியமிக்கப்பட்டுள்ளனர் என்பது குறிப்பிடத்தக்கது.
