டெல்லி
துபாயிலிருந்து வந்த ஏர் இந்தியா விமானத்தில் வெடிகுண்டு குப்பி கிடைத்ததால் பயணிகள் அதிர்ச்சி அடைந்துள்ளனர்.
விமானங்களுக்கு கடந்த சில நாட்களாக தொடர்ந்து வெடிகுண்டு மிரட்டல்கள் வந்து கொண்டுள்ளன. இதையொட்டி பாதுகாப்பு படையினர் நடத்திய சோதனையில் அனைத்தும் புரளி என தெரியவந்துள்ளது.எனவே நாடு முழுவதும் விமான நிலையங்களில் பாதுகாப்பு அதிகரிக்கப்பட்டு உள்ளது.
துபாயில் இருந்து டெல்லிக்கு வந்துள்ள ஏர் இந்தியா விமானத்தின் ஒரு இருக்கைக்கு அடியில் வெடிமருந்து குப்பி இருப்பது கண்டுபிடிக்கப்பட்டது. உடனடியாக பயணிகள் அனைவரும் பாதுகாப்பாக தரையிறக்கப்பட்டனர். இது பயணிகளிடையே அதிர்ச்சியை உண்டாக்கியது.
காவல்துறையினரிடம் வெடி மருந்து குப்பி கிடந்தது தொடர்பாக போலீசில் புகார் அளிக்கப்பட்டு உள்ளது. ஏர் இந்தியா விமானத்தில் வெடி மருந்து குப்பி கண்டுபிடிக்கப்பட்டது பெரும் பாதுகாப்பு மீறலாக அமைந்துள்ளது. காவல்துறையினர் தீவிர விசாரணை நடத்தி வருகிறார்கள்.