கோவை
கோவை – பெங்களூரு வந்தே பாரத் ரயில் நேரங்கள் மாற்றப்பட்டுள்ளன.
வரும் 11 ஆம் தேதி முதல் கோவை – பெங்களூரு (வண்டி எண்.20641) மற்றும் பெங்களூரு – கோவை (20642) இடையே செல்லும் வந்தே பாரத் ரயில்கள் புறப்படும் நேரத்தில் மாற்றம் செய்யப்பட்டு இருப்பதாக தெற்கு ரயில்வே தெரிவித்துள்ளது.
தெற்கு ரயில்வே வெளியிட்டுள்ள செய்திக்குறிப்பில்,
”கோவையிலிருந்து காலை 5 மணிக்குப் புறப்பட்டு காலை 11.30 மணிக்குப் பெங்களூரு செல்லும் வந்தே பாரத் ரயில் வரும் 11-ந்தேதி முதல் புறப்படும் நேரத்தில் மாற்றம் ஏற்பட்டு, கோவையிலிருந்து காலை 7.25 மணிக்குப் புறப்பட்டு மதியம் 1.30 மணிக்குப் பெங்களூரு சென்றடையும்.
மறுமார்க்கமாக, பெங்களூரில் இருந்து மதியம் 1.40 மணிக்குப் புறப்பட்டு இரவு 8 மணிக்குக் கோவை வரும் வந்தே பாரத் ரயில் புறப்படும் நேரத்தில் மாற்றம் ஏற்பட்டு, பெங்களூரில் இருந்து மதியம் 2.20 மணிக்குப் புறப்பட்டு இரவு 8.45 மணிக்குக் கோவை வந்தடையும்.”
என்று தெரிவிக்கப்பட்டுள்ளது.