சென்னை
இன்று இரவு தமிழகத்துக்கு 3 நாட்கள் சுற்றுப்பயணம் செய்ய குடியரசுத் தலைவர் ராம்நாத் கோவிந்த் சென்னை வந்துள்ளார்.
தமிழகத்துக்கு 3 நாட்கள் சுற்றுப்பயணத்தைக் குடியரசுத் தலைவர் ராம்நாத் கோவிந்த் மேற்கொண்டுள்ளார். அவர் டில்லியில் இருந்து தனி விமானத்தில் கிளம்பி இன்று இரவு சென்னை வந்துள்ளார். அவரை தமிழக ஆளுநர் பன்வாரிலால் புரோகித் விமான நிலையத்துக்கு சென்று வரவேற்றார். பின்பு காரில் ஆளுநர் மாளிகைக்கு குடியரசு தலைவர் சென்றார்.
நாளை காளை ஆளுநர் மாளிகையில் இருந்து கிளம்பும் குடியரசு தலைவர் சென்னை பழைய விமான நிலையத்துக்குச் செல்ல உள்ளார். அவர் அங்கிருந்து ஹெலிகாப்டர் மூலம் வேலூர் செல்கிறார். வேலூரில் உள்ள பொற்கோயிலுக்குச் சென்று அதன் பிறகு தனியார் பல்கலைக்கழக விழா ஒன்றில் கலந்து கொள்கிறார்.
மாலையில் அவர் வேலூரில் இருந்து ஹெலிகாப்டர் மூலம் சென்னை திரும்பி விமான நிலையத்தில் இருந்து ஆளுநர் மாளிகை செல்கிறார். அடுத்த நாள் அதாவது 11 ஆம் தேதி அன்று அண்ணா பல்கலைக்கழகத்தில் நடக்கும் ஒரு விழாவில் கலந்து கொள்கிறார். அன்று பிற்பகல் சென்னையில் இருந்து தனி விமானம் மூலம் டில்லி திரும்புகிறார்.