நாய்ஸ் அண்ட் கிரைய்ன்ஸ் (NOISE and GRAINS) நிறுவனம், இளம் கலைஞர்களின் திறமையை வெளிப்படுத்த தொடர்ந்து வாய்ப்பு வழங்கி வருகிறது. ஏற்கெனவே, இந்நிறுவனம் ரியோ ராஜ் நடிப்பில் வெளியிட்ட “கண்ணம்மா என்னம்மா” ஆல்பம் ரசிகர்களிடையே பெரும் வரவேற்பைப் பெற்றது.
தற்போது, பிரிட்டோ ஜே.பி., இயக்கத்தில் தேவ் பிரகாஷ் இசை அமைக்க, பிரேம்ஜி, நித்யஶ்ரீ குரலில், ‘தோட்டா’ ஆல்ப பாடலை வெளியிட்டுள்ளது.
இதில் ரியோ ராஜ் மற்றும் ரம்யா பாண்டியன் நடித்துள்ளனர்.
பாடலின் வெளியீட்டு விழா, சின்னத்திரை பிரபலங்கள், திரை நட்சத்திரங்கள், கலந்துகொள்ள, பத்திரிகையாளர்கள் முன்னிலையில் கோலாகலமாக நடைபெற்றது.
இவ்விழாவினில் படக்குழுவினருடன் பிக்பாஸ் புகழ் ராஜு, அபிராமி, ஜூலி, சக்ரவர்த்தி, கேப்ரியல்லா, உட்பட பல பிரபலங்கள் கலந்து கொண்டு படக்குழுவினரை வாழ்த்தினர்.
இயக்குநர் பிரிட்டோ அனைவருக்கும் நன்றி தெரிவித்தார்.
நடிகர் பிக்பாஸ் பிரபலம் ராஜு, “நானும் ரியோவும் வாய்ப்பு தேடிய காலத்திலிருந்தே மிகவும் நெருங்கிய நண்பர்கள். அவர் எப்போதும் சின்ஸியராக இருப்பார். அவர் ரொம்பவும் திறமைசாலி. இந்த பாடலில் நடனம் அற்புதமாக இருந்தது. ரம்யாவின் ரசிகன் நான், அவருக்காகவே பலமுறை பாடல் பார்த்தேன்.
திரைப்பட பாடல் வெளியீட்டு விழா தான் இவ்வளவு பெரிதாக நடக்கும் இந்த பாடலுக்கு நடப்பதை பார்க்க மகிழ்ச்சியாக இருக்கிறது. ரியோவுக்கும் குழுவினருக்கும் வாழ்த்துகள்” என்றார்.
நடிகர் ரியோ ராஜ், “கண்ணம்மா பாடல் ஒரு மொட்டை மாடியில் எதேச்சையாக உருவானது. அது மிகப்பெரிய ஹிட்டானது. இந்த பாடல் பற்றி நாய்ஸ் அண்ட் கிரைன்ஸ் நிறுவனத்தாரிடம் தெரிவித்தவுடன் ஓகே சொல்லிவிட்டார்கள். அவர்களுக்கு தான் பெரிய நன்றி சொல்ல வேண்டும்.
மாதேஷ் மாணிக்கம் பெரிய பெரிய படங்களுக்கு ஒளிப்பதிவு செய்பவர் எங்கள் டீமில் அவர் மட்டும் தான் பெரிய ஆள், அவர் இந்த பாடலை செய்து தந்ததற்கு நன்றி. பிரிட்டோ மிக அற்புதமாக இயக்கியுள்ளார். அவர் இன்னும் பெரிதாக வளர்வார்.
பிக்பாஸில் சண்டை போட்டுக்கொண்டாலும் நானும் ரம்யாவும் நண்பர்கள் அவர் இதில் நடித்தது மகிழச்சி. எங்களை பாராட்ட வந்த அனைவருக்கும் நன்றி” என்றார்.
நடிகை ரம்யா பாண்டியன், “நான் இதுவரை எந்த ஆல்பம் பாடலும் செய்ததில்லை. பிரிட்டோ சொன்ன ஐடியா பிடித்திருந்தது. உடனே ஒப்புக்கொண்டேன் இந்த டீம் ஜாலியான டீம். இப்பாடலில் வேலை பார்த்த அனுபவம் மிக சந்தோசமாக இருந்தது. இந்த பாடல் உங்கள் அனைவருக்கும் பிடிக்கும். ரீல்-ஸில் எங்கள் நடனத்தை ஆடி இப்பாடலை ஹிட் செய்யுங்கள் அனைவருக்கும் நன்றி”
இயக்கம் – பிரிட்டோ JB
இசை – தேவ் பிரகாஷ்
பாடல்கள் – A S தாவூத்
பாடியவர்கள் – பிரேம் ஜி , நித்யஶ்ரீ
நடனம் – அபு & சால்ஸ்
ஒளிப்பதிவு – மாதேஷ் மாணிக்கம்
படத்தொகுப்பு – கிருஷ்ணா குமார்
கிரியேட்டிவ் டைரக்டர் – கார்த்திக் ஶ்ரீனிவாஷ்
பிஸினஸ் டைரக்டர் – மஹாவீர் அசோக்
மக்கள் தொடர்பு – நிகில் முருகன்